Bihar: NEET પેપરલીક મામલે માસ્ટરમાઇન્ડ સિકંદર સસ્પેન્ડ

• NEET પેપરલીકનો માસ્ટર માઇન્ડ સસ્પેન્ડ
  
• અત્યાર સુધી 14 લોકોની ધરપકડ
• નીટની પરીક્ષામાં ગેરરીતી થઇ હોવાનો આરોપ

બિહારમાં નીટ પરીક્ષાનુ પરિણામ આવ્યા બાદ દેશમાં બબાલ થઇ ગઇ છે. વિરોધ પ્રદર્શન કરવામાં આવી રહ્યા છે. આરોપ છે કે પેપર લીક થયુ હતુ અને નીટની પરીક્ષામાં ગેરરીતી થઇ હતી. આ મામલો કોર્ટ સુધી પહોંચ્યો છે. પોલીસે આ મામલે પોલીસે અનેક લોકોની ધરપકડ કરી છે જેમાં એક નામ છે સિકંદર યાદવેન્દુ. ત્યારે આવો જાણીએ કોણ છે સિકંદર યાદવેંદુ

નગર આવાસ વિભાગમાંથી કરાયો સસ્પેન્ડ 

સિકંદરને NEET પરીક્ષા કેસની સોલ્વર ગેંગનો માસ્ટર માઈન્ડ કહેવામાં આવે છે. મળતી માહિતી મુજબ ધરપકડ કરાયેલા સિકંદરને સસ્પેન્ડ કરવામાં આવ્યો છે. સિકંદર દાનાપુરમાં નગર આવાસ વિભાગમાં હતો. જેનાથી પહેલા મૂળ વિભાગ જળસંશાધન મોકલવામાં આવ્યો પછી જળ સંશાધન વિભાગે સસ્પેન્ડ કરી દીધો.

જાણો કોણ છે સિકંદર યાદવેન્દુ

આ સમગ્ર મામલામાં સિકંદર યાદવેન્દુ મુખ્ય હોવાનું કહેવાય છે. તે બિહારના સમસ્તીપુરનો રહેવાસી છે. જોકે આ પહેલું કૌભાંડ નથી જેમાં તે પકડાયો હોય. આવા જ અન્ય એક કૌભાંડ કેસમાં તે જેલ પણ ગયો છે. વાસ્તવમાં સિકંદર પર 3 કરોડ રૂપિયાના LED કૌભાંડનો આરોપ હતો. આ કેસમાં તે જેલ પણ ગયો છે.