હત્યા બાદ મૃતદેહ છુપાવવા માટે તેને વાદળી રંગના પ્લાસ્ટિકના ડ્રમમાં પૂરી દીધો હતો.
ટૂંક સમયમાં જ બંનેની સજાની જાહેરાત
ઉત્તર પ્રદેશના મેરઠમાં ચકચાર મચાવનાર કુખ્યાત 'બ્લુ ડ્રમ મર્ડર કેસ' માં અદાલતે એક મોટો અને ઐતિહાસિક ચુકાદો આપ્યો છે. લાંબા સમયથી ચાલી રહેલા આ હાઈ-પ્રોફાઈલ કેસમાં કોર્ટે મુખ્ય આરોપી પત્ની મુસ્કાન અને તેના પ્રેમી સાહિલને પતિની નિર્દયતાથી હત્યા કરવા બદલ દોષી જાહેર કર્યા છે. આ ચુકાદા બાદ ન્યાયતંત્ર દ્વારા 14 ઓક્ટોબરના રોજ બંનેને સજાની જાહેરાત કરવામાં આવશે.
શું હતો સમગ્ર મામલો?
આ ઘટનાએ સમગ્ર દેશમાં સનસનાટી મચાવી દીધી હતી. પ્રેમસંબંધમાં અડચણરૂપ બની રહેલા પતિના રસ્તામાંથી હટાવવા માટે પત્ની મુસ્કાને તેના પ્રેમી સાહિલ સાથે મળીને ક્રૂરતાની તમામ હદો પાર કરી દીધી હતી. બંનેએ મળીને પતિની ઘાતકી હત્યા કરી નાખી હતી અને લાશને કોઈ શોધી ન શકે તે માટે તેને વાદળી રંગના પ્લાસ્ટિકના ડ્રમમાં પૂરીને છુપાવી દીધી હતી. આ પીએચડી લેવલનું કાવતરું જ્યારે પોલીસના પકડમાં આવ્યું ત્યારે પોલીસ અધિકારીઓ પણ સ્તબ્ધ થઈ ગયા હતા.
ગવાહો અને પુરાવાઓના આધારે દોષી જાહેર
પોલીસ તપાસ દરમિયાન મળી આવેલા વૈજ્ઞાનિક પુરાવાઓ, ફોરેન્સિક રિપોર્ટ અને મજબૂત સાક્ષીઓના આધારે કોર્ટમાં કેસ ચલાવવામાં આવ્યો હતો. બંને આરોપીઓ વિરુદ્ધના પુરાવા એટલા મજબૂત હતા કે અદાલતે તેમને હત્યા અને ગુનાહિત ષડયંત્રના આરોપસર દોષી ઠેરવ્યા છે. આ કેસ નૈતિક પતન અને ગેરકાયદેસર સબંધોના પરિણામે થતા ભયાનક અંતનું એક મોટું ઉદાહરણ બની ગયો છે.
સમાજમાં ફેલાયો રોષ
આ નિર્દય હત્યાકાંડના ચુકાદાને લઈને સ્થાનિક લોકોમાં ભારે ચર્ચા ચાલી રહી છે. નિર્દોષ પતિની આ પ્રકારે કરાયેલી હત્યાથી સમગ્ર સમાજમાં રોષની લાગણી ફેલાઈ હતી. હવે કોર્ટ દ્વારા દોષી જાહેર થયા બાદ પીડિત પરિવાર કાયદાકીય રીતે સખતમાં સખત સજા (ફાંસી અથવા આજીવન કેદ) મળે તેવી માંગ કરી રહ્યો છે.
આ પણ વાંચોઃ