[[$googlead]]
ઉત્તરાખંડના ચમોલી જિલ્લાના માણામાં ગ્લેશિયર તૂટતા BRO કર્મચારીઓને સુરક્ષિત રીતે બહાર કાઢવામાં આવ્યા છે. પરંતુ, ચિંતાજનક વાત એ છે કે બરફ નીચે હજુ પણ ચાર લોકો દટાયા છે. સેના, ITBP, SDRF અને જિલ્લા વહીવટીતંત્રની સંયુક્ત ટીમો બચાવ કામગીરીમાં રોકાયેલી છે. ટેક્નિશયનની ટીમ દહેરાદૂન પહોંચી છે.
નિષ્ણાંતોની ટીમ રવાના
આશા છે કે ફસાયેલા ચારેય કામદારોને સુરક્ષિત રીતે બચાવી લેવામાં આવશે. હિમપ્રપાતમાં ફસાયેલા કામદારોને શોધવા માટે SDRF ટીમ પીડિતોની શોધ અને થર્મલ ઇમેજ કેમેરા સાથે રવાના થઈ ગઈ છે. SDRF ના પોલીસ મહાનિરીક્ષક રિદ્ધિમ અગ્રવાલના નિર્દેશો અનુસાર, માણામાં હિમપ્રપાત દરમિયાન ગુમ થયેલા કામદારોને શોધવા માટે SDRF ની એક નિષ્ણાત ટીમ રવાના કરવામાં આવી છે.
સહસ્ત્રધારથી હેલિકોપ્ટર દ્વારા ટીમને વિક્ટિમ લોકેટિંગ કેમેરા (V.L.C) અને થર્મલ ઇમેજ કેમેરા સાથે ઘટનાસ્થળે મોકલવામાં આવી છે. આ ઉપકરણો (વિક્ટિમ લોકેટિંગ કેમેરા (V.L.C) અને થર્મલ ઇમેજ કેમેરા) ની મદદથી શોધ કામગીરી હાથ ધરવામાં આવશે.
4ની શોધખોળ તેજ
બીજી તરફ જિલ્લા મેજિસ્ટ્રેટ ચમોલીએ જણાવ્યું હતું કે માણામાં હિમપ્રપાતમાં 55 નહીં પરંતુ 54 લોકો ફસાયા છે. એક વ્યક્તિ બિનસત્તાવાર રજા પર ગયો છે. જિલ્લા મેજિસ્ટ્રેટ ચમોલીએ બચાવ કામગીરીની શરૂઆતમાં આ માહિતી આપી હતી અને કહ્યું હતું કે હવે ગુમ થયેલા કામદારોની સંખ્યા ઘટીને ફક્ત ચાર થઈ ગઈ છે અને બચાવ કામગીરી યુદ્ધના ધોરણે હાથ ધરવામાં આવી રહી છે.
46 લોકોના જીવ બચાવ્યા
ચિત્તા હેલિકોપ્ટર, 200 થી વધુ સુરક્ષા કર્મચારીઓ, 18 કલાકનો સમયમાં બચાવ કાર્ય 90 ટકા પૂર્ણ થયું. છ થી સાત ફૂટનો બરફનો થર હતો. હવામાન સંપૂર્ણપણે અમારી વિરુદ્ધ હતું, પરંતુ સેના, ITBP, NDRF, SDRF ની ટીમોએ હિમપ્રપાતમાં ફસાયેલા કામદારોને શોધવા માટે શ્રેષ્ઠ પ્રયાસો કર્યા.
4ના થયા મોત
બચાવ ટીમના બહાદુર માણસોના અદમ્ય જુસ્સાને કારણે જ 90% બચાવ કામગીરી માત્ર થોડા કલાકોમાં પૂર્ણ થઈ ગઈ. ગઈકાલે સવારે 11 વાગ્યે શરૂ થયેલા બચાવ કાર્ય હેઠળ, 55 માંથી 46 કામદારોને સુરક્ષિત રીતે બચાવી લેવામાં આવ્યા હતા. જ્યારે ચારના મોત થયા હતા. સ્થાનિક પોલીસ અને વહીવટીતંત્ર સાથે સેના, ITBP, NDRF, SDRF બાકીના પાંચ ગુમ થયેલા કામદારોની શોધમાં રોકાયેલા છે.
