ચારધામ યાત્રાને લઇને લોકોમાં જબરદસ્ત ઉત્સાહ જોવા મળી રહ્યો છે. યાત્રાને લઇને ઓનલાઇન રજિસ્ટ્રેશન શરૂ થઇ ગયુ છે. જેને પહેલા દિવસે જ 1.65 લાખ શ્રદ્ધાળુઓએ રજિસ્ટ્રેશન કરાવ્યું છે. જેમાં સૌથી વધારે રજિસ્ટ્રેશન કેદારનાથ માટે થયુ છે. મહત્વનું છે કે ચારધામ યાત્રાની શરૂઆત 30 એપ્રિલથી થવાની છે. 30 એપ્રિલે ગંગોત્રી અને યમુનોત્રી ધામના કપાટ ખૂલશે. જ્યારે 2 મેના રોજ કેદારનાથ અને બદ્રીનાથ ધામના કપાટ ખૂલશે.
કેટલા લોકોએ કરાવી નોંધણી ?
- પ્રવાસન વિભાગે ગુરુવારે સવારે 7 વાગ્યે પ્રવાસ માટે ઓનલાઈન નોંધણી પોર્ટલ અને મોબાઈલ એપ "Tourist Care Uttarakhand" શરૂ કરી હતી. . સાંજે 5 વાગ્યા સુધીમાં, 1.65 લાખથી વધુ યાત્રાળુઓએ વિવિધ તારીખો પર યાત્રા માટે નોંધણી કરાવી હતી. નોંધણી માટે આધાર કાર્ડ ફરજિયાત બનાવવામાં આવ્યું છે
- પ્રવાસન વિભાગના ડેટા અનુસાર, પહેલા દિવસે સૌથી વધુ 53,570 યાત્રાળુઓએ કેદારનાથ યાત્રા માટે નોંધણી કરાવી હતી.
- બદ્રીનાથ ધામ માટે 49385 લોકોએ નોંધણી કરાવી હતી
- ગંગોત્રી માટે 30,933 અને યમુનોત્રી માટે 30,224 શ્રદ્ધાળુઓએ નોંધણી કરાવી હતી.
- 1,180 યાત્રાળુઓએ હેમકુંડ સાહિબ માટે નોંધણી કરાવી હતી.
હેલિસેવા માટે રજિસ્ટ્રેશન થશે શરૂ
- ચારધામ યાત્રા માટે હેલિસેવા પણ શરૂ કરવામાં આવી છે. કેદારનાથ માટે હેલી સેવાનું ઓનલાઇન બુકિંગ એપ્રિલના પહેલા અઠવાડિયામાં શરૂ થાય તેવી સંભાવના છે. ઉત્તરાખંડ નાગરિક ઉડ્ડયન વિકાસ સત્તામંડળ (UCADA) એ તૈયારીઓ પૂર્ણ કરી લીધી છે. નવ ઉડ્ડયન કંપનીઓ ગુપ્તકાશી, સિરસી અને ફાટાથી હેલિકોપ્ટર સેવાઓનું સંચાલન કરશે. હેલી ટિકિટ બુકિંગ IRCTC દ્વારા કરવામાં આવશે. હેલી સેવાનો લાભ લેવા માટે, ચારધામ યાત્રામાં મુસાફરોની નોંધણી ફરજિયાત રહેશે.
- હોટલોમાં બુકિંગ પહેલાથી જ વધી રહ્યું છે
- UCADA ના CEO સોનિકાએ જણાવ્યું હતું કે હેલી સેવા ચલાવવા માટે તમામ તૈયારીઓ પૂર્ણ થઈ ગઈ છે. મુસાફરી દરમિયાન મુસાફરોને કોઈ અસુવિધા ન થાય તે માટે વ્યવસ્થા કરવામાં આવી રહી છે.
- પ્રવાસીઓની સુવિધા માટે, પ્રવાસન વિભાગે નોંધણી માટે મોબાઇલ એપ્લિકેશન ટૂરિસ્ટ કેર ઉત્તરાખંડ શરૂ કરી છે. આ ઉપરાંત, મુસાફરોને નોંધણીમાં કોઈ મુશ્કેલી ન પડે તે માટે 24 કલાકનો ટોલ-ફ્રી નંબર 0135-1364 જાહેર કરાયો છે.
