- રાજસ્થાનના ચુરુમાં ગમખ્વાર અકસ્માત
- સામ સામે બે ગાડીઓ અથડાઇ, 5ના મોત
- લગ્નમાંથી પરત ફરી રહ્યા હતા તે દરમિયાન બની ઘટના
રાજસ્થાનના ચુરુમાં ગમખ્વાર અકસ્માત સર્જાયો હતો. સરદાર શહેરના ભાડાસર પાસે બે વાહનો વચ્ચે જોરદાર ટક્કર થઈ હતી. આ ભયાનક અકસ્માતમાં 5 લોકોના મોત થયા છે, જ્યારે અકસ્માતમાં 4 લોકો ગંભીર રીતે ઘાયલ થયા છે.
લગ્નની ખુશી ફેરવાઇ માતમમાં
મળતી માહિતી અનુસાર મૃતકોમાંથી ચાર દુલરાસર ગામના રહેવાસી છે જ્યારે એક મૃતક ઉત્તર પ્રદેશનો રહેવાસી છે. મોડી રાત્રે કેટલાક લોકો લગ્નમાંથી પરત ફરી રહ્યા હતા ત્યારે આ અકસ્માત થયો હતો. અકસ્માત બાદ લગ્નજીવનની ખુશી માતમમાં ફેરવાઈ ગઈ છે.
બિકાનેરમાં ચાલી રહી છે સારવાર
મૃતક દુલરાસરના રહેવાસી મદનલાલ, નોપારામ, મુરલીધર, ભંવર સિંહ અને અન્ય એક વ્યક્તિનું શુક્રવારે પોસ્ટમોર્ટમ કરવામાં આવશે. અકસ્માતની માહિતી મળતાં જ હોસ્પિટલના શબઘર સામે લોકોના ટોળા એકઠા થઈ ગયા હતા. હાલ ઇજાગ્રસ્તોને બિકાનેરમાં સારવાર આપવામાં આવી રહી છે. તમને જણાવી દઈએ કે આ રોડ અકસ્માત શ્રીડુંગરગઢથી લગ્નમાંથી પરત ફરતી વખતે થયો હતો. બે વાહનો વચ્ચેની અથડામણમાં 5ના મોત અને 4 ઘાયલ થયા હતા.
