દેશમાં પર્યાવરણ બચાવો, બેટી બચાઓ, પાણી બચાવો આ બધા સળગતા મુદ્દાઓ છે. જેની પર અવારનવાર રાજકીય ચર્ચાઓ થાય છે. આ અંગે સરકાર દ્વારા પણ પ્રયાસો કરવામાં આવે છે. તેવામાં હવે રાજકારણમાં નવા મુદ્દાની એન્ટ્રી થઇ છે અને તે છે બાળકો વધારે પેદા કરો! જી, હા આંધ્રપ્રદેશના સીએમ ચંદ્રબાબુ નાયડુ બાદ હવે તમિલનાડુ સીએમ સ્ટાલિન દ્વારા લોકોને વધારે બાળકો પેદા કરવાની અપીલ કરવામાં આવી છે.
સીએમ સ્ટાલિન આ શું બોલ્યા ?
ચેન્નાઇમાં હિંદુ ધાર્મિક અને બંદોબસ્તી બોર્ડ દ્વારા એક કાર્યક્રમ યોજાયો હતો. જેમાં સીએમ સ્ટાલિને હાજરી આપી હતી. સીએમ સ્ટાલિનની હાજરીમાં 31 યુગલોનો લગ્ન થયા. તેમણે કહ્યું કે હવે સમય આવી ગયો છે કે નવવિવાહિત યુગલ 16 બાળકો પેદા કરે. અન્ય લોકોએ પણ વધુને વધુ બાળકો પેદા કરવા જોઈએ, તેનાથી રાજ્ય અને દેશ બંનેને ફાયદો થશે.
પહેલા આવા આશીર્વાદ આપતા હતા કે
તેમણે વધુમાં જણાવ્યું કે જ્યારે વડીલો કહેતા હતા કે તમારે 16 સંતાનો પ્રાપ્ત કરો અને સમૃદ્ધ જીવન જીવો. પણ અહીં તેનો અર્થ 16 બાળકો નહીં પરંતુ 16 પ્રકારની સંપત્તિ હતી, લેખક વિશ્વનાથને તેમના પુસ્તકમાં ગાય, ઘર, પત્ની, બાળકો, શિક્ષા, જિજ્ઞાસા, જ્ઞાન, અનુશાસન, જળ, ભૂમિ, આયુષ્ય, વાહન, સોના, સંપત્તિ, પાક અને પ્રશંસાના રૂપમાં કર્યો છે. પરંતુ હવે કોઈ તમને 16 પ્રકારની સંપત્તિ મેળવવાના આશીર્વાદ આપી રહ્યું નથી. પરંતુ પૂરતા બાળકોની પ્રાપ્તિ અને સમૃદ્ધ જીવન જીવવાના આશીર્વાદ આપે છે.
વસ્તી ઘટી રહી છે...
સીએમ એમકે સ્ટાલિને કહ્યું કે આ કારણે જ કલૈગનારે ફિલ્મ પરાશક્તિમાં ઘણા સમય પહેલા એક ડાયલોગ લખ્યો હતો, જેમાં તેણે કહ્યું હતું કે, અમે મંદિરોના વિરોધમાં નથી, પરંતુ મંદિરો ભયાનક પુરુષોના શિબિર બનવાના વિરોધમાં છીએ. તેમણે કહ્યું કે આપણી વસ્તી ઘટી રહી છે જેની અસર આપણી લોકસભા સીટો પર પણ પડશે, આથી કેમ આપણે 16-16 બાળકો પેદા ન કરીએ.
ચંદ્રબાબુ નાયડુએ કરી હતી આવી અપીલ
આ પહેલા રવિવારે આંધ્રપ્રદેશના મુખ્યમંત્રી એન. ચંદ્રબાબુ નાયડુએ વૃદ્ધોની વધતી જતી વસ્તી અંગે ચિંતા વ્યક્ત કરી હતી. આ અંગે વધતી જતી ચિંતાઓને ટાંકીને, તેમણે દક્ષિણના રાજ્યોમાં પરિવારોને વધુ બાળકો પેદા કરવા વિનંતી કરી હતી. નાયડુએ દેશના ડેમોગ્રાફિક ડિવિડન્ડને જાળવી રાખવા પ્રદેશમાં યુવા વસ્તીને પ્રોત્સાહન આપવાની જરૂરિયાત પર ભાર મૂક્યો હતો. નાયડુએ જાહેરાત કરી કે સરકાર માત્ર બેથી વધારે બાળક ધરાવતા લોકોને સ્થાનિક સંસ્થાઓની ચૂંટણી લડવા માત્રે યોગ્ય ગણવા બાબતે કાયદો લાવવાની યોજના બનાવી રહી છે.
