- નવા પીએમના આ વર્ષે આઠ અનિવાર્ય વિદેશપ્રવાસ
- ઇટાલીનાં પીએમ જ્યોર્જિયા મેલોની 13થી 15 જૂન દરમિયાન જી7 દેશોના નેતાઓની યજમાની કરશે
- છેલ્લા 10 વર્ષમાં વડાપ્રધાન મોદીનું ફોકસ આંતરરાષ્ટ્રીય સ્તર પર ભારતની ઇમેજ મજબૂત કરવાનું
ચોથી જૂને આવનારા લોકસભા ચૂંટણીના પરિણામ પર દેશદુનિયાની નજર છે. પરિણામ જાહેર થતાં જ નવી સરકારની રચનાની પ્રક્રિયા શરૂ થઈ જશે. નવી સરકાર 8 જૂને શપથ લે તેવી શક્યતા છે. બીજી તરફ ભાવિ વડાપ્રધાન માટે આવનારા થોડાં મહિના અત્યંત વ્યસ્ત રહેશે. તેમના વિદેશપ્રવાસોનું શિડયૂલ પણ ઘણું ટાઇટ રહેવાનું છે. વિદેશ મંત્રાલયના સૂત્રોનું કહેવું છે કે છેલ્લા 10 વર્ષમાં વડાપ્રધાન નરેન્દ્ર મોદીનું ફોકસ આંતરરાષ્ટ્રીય સ્તર પર ભારતની ઇમેજ મજબૂત કરવાનું રહ્યું છે. કેટલાક અપવાદોને બાદ કરતા મોદીની વિદેશનીતિ પર આખી દુનિયા આફરીન છે. માત્ર ભારતમાં જ નહીં, વિદેશોમાં પણ પીએમ મોદીની ઇમેજ મજબૂત નેતાની રહી છે. તેમના જ નેતૃત્વમાં ભારતે ગ્લોબલ સાઉથના લીડર બનવા તરફ આગેકૂચ કરી છે. ભારત દ્વારા જી20ની શાનદાર યજમાની દુનિયા જોઈ ચૂકી છે. વિદેશ મંત્રાલયમાં કહેવાય છે કે પીએમ મોદીના 10 વર્ષના કાર્યકાળમાં વિદેશ વિભાગ કદાચ જ આરામથી બેઠો હશે.
ઇટાલીનાં વડાંપ્રધાન જ્યોર્જિયા મેલોની સાથે મુલાકાત
