દિલ્હી વિધાનસભા ચૂંટણીના પરિણામોની ગણતરી શરૂ થઇ ગઇ છે. . શરૂઆતના વલણોમાં ભાજપ આગળ ચાલી રહ્યું છે. દિલ્હીમાં કુલ 70 બેઠકો છે અને બહુમતી માટે 36 બેઠકો જરૂરી છે.દિલ્હીમાં આમ આદમી પાર્ટીએ 2013, 2015 અને 2020 માં સરકાર બનાવી અને અરવિંદ કેજરીવાલ મુખ્યમંત્રી બન્યા. આતિશી સપ્ટેમ્બર 2024 થી મુખ્યમંત્રી છે. આ પહેલા 1998, 2003 અને 2008માં કોંગ્રેસ જીતી હતી અને શીલા દીક્ષિત મુખ્યમંત્રી બન્યા હતા. 1993માં ભાજપે પહેલી વાર દિલ્હીમાં જીત મેળવી હતી.ત્યારે જો હાલની વાત કરીએ તો અત્યારે દિલ્હીમાં જંગ રોચક જોવા મળી રહ્યો છે.
અરવિંદ કેજરીવાલ આગળ
અત્યાર સુધી પાછળ ચાલી રહેલા અરવિંદ કેજરીવાલ 386 મતોથી આગળ ચાલી રહ્યા છે. 5મા રાઉન્ડમાં અરવિંદ કેજરીવાલ આગળ ચાલી રહ્યા છે. નવી દિલ્હી બેઠક માટે 13 રાઉન્ડની મતગણતરી થવાની છે. અત્યાર સુધીમાં ચાર રાઉન્ડની ગણતરી પૂર્ણ થઈ ગઈ છે. AAP કન્વીનર અરવિંદ કેજરીવાલ 386 મતોથી આગળ છે. કાલકાજી બેઠક પર મતગણતરીના ચાર રાઉન્ડ પૂર્ણ થયા છે. ભાજપના રમેશ બિધુરી 1635 મતોથી આગળ છે. વલણોમાં, ભાજપ 42 બેઠકો પર આગળ છે. AAP 28 બેઠકો પર આગળ છે.
જંગપુરામાં સિસોદિયા આગળ
જંગપુરામાં ત્રીજા રાઉન્ડની ગણતરી પૂર્ણ થઈ ગઈ છે. આપના ઉમેદવાર મનીષ સિસોદિયા 2686 મતોથી આગળ છે. વલણોમાં, ભાજપ 42 બેઠકો પર આગળ છે. AAP 28 બેઠકો પર આગળ છે.
કેજરીવાલ પાછળ
પરંતુ 10.55ની જો વાત કરીએ તો, નવી દિલ્હી બેઠક માટે 13 રાઉન્ડની મતગણતરી થશે. અત્યાર સુધીમાં મતગણતરીના છ રાઉન્ડ પૂર્ણ થયા છે. AAP કન્વીનર અરવિંદ કેજરીવાલ 300 મતોથી પાછળ છે.
પ્રિયંકા ગાંધીએ શું કહ્યું?
દિલ્હી ચૂંટણીના પરિણામો પર કોંગ્રેસના સાંસદ પ્રિયંકા ગાંધીએ પ્રતિક્રિયા આપી છે. પ્રિયંકાએ કહ્યું, મને ખબર નથી. મેં હજુ સુધી (ચૂંટણીના વલણો) તપાસ્યા નથી. દરમિયાન, કાલકાજીથી કોંગ્રેસના ઉમેદવાર અલકા લાંબાએ કહ્યું કે, અમે દિલ્હીને નુકસાન પહોંચાડનારાઓને નુકસાન પહોંચાડી રહ્યા છીએ. હું એક કલાક પછી મતગણતરી કેન્દ્ર પર પાછો આવીશ.
ગરીબ લોકોને મોદીજીની ગેરંટીમાં વિશ્વાસ - સુધાંશુ ત્રિવેદી
વલણો અંગે ભાજપના સાંસદ સુધાંશુ ત્રિવેદીએ કહ્યું કે અમે અંતિમ પરિણામોની રાહ જોઈ રહ્યા છીએ. અમને વિશ્વાસ છે કે અંતિમ પરિણામો ભાજપની તરફેણમાં વધુ સારા અને નિર્ણાયક હશે. આ દર્શાવે છે કે લોકોને પીએમ મોદી દ્વારા આપવામાં આવેલા વચનોમાં કેટલો વિશ્વાસ છે. આ અમારા માટે સકારાત્મક પરિણામ છે. દિલ્હીના લોકો 'પ્રાયોગિક' રાજકારણથી કંટાળી ગયા હતા. ગરીબ લોકોને મોદીજીની ગેરંટી પર વિશ્વાસ છે.
સંદીપ દીક્ષિતે હાર સ્વીકારી
નવી દિલ્હી બેઠક પરથી કોંગ્રેસના ઉમેદવાર સંદીપ દીક્ષિતે કહ્યું કે અત્યાર સુધી એવું લાગે છે કે તેઓ (ભાજપ) સરકાર બનાવશે... અમે મુદ્દાઓ ઉઠાવ્યા, પરંતુ મને લાગે છે કે લોકોએ વિચાર્યું કે અમે સરકાર બનાવવાના નથી, અમે લોકોના નિર્ણયને સ્વીકારીએ છીએ."
