- ભારત મંડપમથી ‘હર ઘર તિરંગા બાઇક રેલી’ને ફ્લેગ ઓફ કરાવ્યું
- રાષ્ટ્રને જગાડવા માટે 'હર ઘર તિરંગા' યાત્રા શરૂ થઈ ચુકી છે
- 'હર ઘર તિરંગા' આપણી સ્વતંત્રતા, ગૌરવ અને વિકસીત ભારત પ્રત્યેની આપણી પ્રતિબદ્ધતાને દર્શાવે છે
હર ઘર તિરંગા કાર્યક્રમ હેઠળ, ઉપરાષ્ટ્રપતિ જગદીપ ધનખડ દિલ્હીના ભારત મંડપમથી બાઇક રેલીને ફ્લેગ ઓફ કરાવી. આ બાઇક રેલીમાં રાજ્યસભા અને લોકસભાના સાંસદોએ ભાગ લીધો. બાઇક રેલી સવારે 8 વાગ્યે ભારત મંડપમથી શરૂ થઇ અને મેજર ધ્યાનચંદ નેશનલ સ્ટેડિયમ ખાતે સમાપ્ત થઇ હતી. કેન્દ્રીય મંત્રી ગજેન્દ્ર સિંહ શેખાવત અને કિરેન રિજિજુ 'હર ઘર તિરંગા બાઇક રેલી'માં ભાગ લીધો હતો અને આ અભિયાનને વેગ આપ્યો હતો.
રેલીનું સમાપન મેજર ધ્યાનચંદ નેશનલ સ્ટેડિયમ ખાતે થશે
ઉપરાષ્ટ્રપતિ જગદીપ ધનખડ અને કેન્દ્રીય મંત્રીઓ ગજેન્દ્ર સિંહ શેખાવત, રામ મોહન નાયડુ કિંજરાપુ, કિરેન રિજિજુ અને મનસુખ માંડવિયાએ ભારત મંડપમથી ‘હર ઘર તિરંગા બાઇક રેલી’ને ફ્લેગ ઓફ કરાવ્યું. રેલીનું સમાપન મેજર ધ્યાનચંદ નેશનલ સ્ટેડિયમ ખાતે થશે. કેન્દ્રીય મંત્રી કિરેન રિજિજુ કહે છે, "દેશના ખૂણે-ખૂણે 'હર ઘર તિરંગા' માટે વાતાવરણ ઊભું કરીને, આજે લોકો તેમાં ભાગ લઈ રહ્યા છે... રાષ્ટ્રને જગાડવા માટે 'હર ઘર તિરંગા' યાત્રા શરૂ થઈ ચુકી છે આ આંદોલન દેશને મજબૂત કરવા માટે છે...
ગજેન્દ્ર સિંહ શેખાવતે કહ્યું, "તિરંગા દેશનું ગૌરવ છે
કેન્દ્રીય મંત્રી ગજેન્દ્ર સિંહ શેખાવતે કહ્યું, "તિરંગા દેશનું ગૌરવ છે... તિરંગા દેશને એક સાથે બાંધે છે... અમે સંકલ્પ લીધો છે કે અમે હંમેશા આપણા દેશનું ગૌરવ વધારતા રહીશું"
'હર ઘર તિરંગા બાઇક રેલી'માં વાઇસ પ્રેસિડેન્ટ જગદીપ ધનખડ કહે છે, "આ અમારા માટે ખૂબ જ મહત્વપૂર્ણ દિવસ છે. હર ઘર તિરંગા એ એક અભિયાન છે જે 'આઝાદી કા અમૃત મહોત્સવ'નો એક ભાગ છે. 2021માં આની શરૂઆત કરવામાં આવી હતી. લોકોને 75માં સ્વતંત્રતા દિવસ પર તિરંગાને ઘરે લહેરાવા માટે પ્રોત્સાહિત કરો, હવે આ એક આંદોલન બની ગયું છે, હવે કરોડો લોકો તેમના ઘરે તિરંગા લહેરાવે છે, મને કોઈ શંકા નથી કે આવનારા સ્વતંત્રતા દિવસે એક નવો રેકોર્ડ બનશે ...
આ સદી ભારતની છે
'હર ઘર તિરંગા' આપણી સ્વતંત્રતા, ગૌરવ અને વિકસીત ભારત પ્રત્યેની આપણી પ્રતિબદ્ધતાને દર્શાવે છે કે આ સદી ભારતની છે... થોડા વર્ષો પહેલા અર્થતંત્રની દ્રષ્ટિએ ભારત વિશ્વ માટે ચિંતાનો વિષય હતો. આજે, આપણે ઝડપથી ત્રીજી વૈશ્વિક મહાસત્તા બનવા તરફ આગળ વધી રહ્યા છીએ, આજે આપણે પાંચમા સ્થાને છીએ..."
