- હાલ બોમ્બ ડિસ્પોઝલ સ્ક્વોડ પણ ઘટનાસ્થળે હાજર છે
- સ્કુલમાં બોમ્બ હોવાના સમાચારથી ડરનો માહોલ
- દિલ્હીમાં અગાઉ પણ આવી ઘણી ધમકીઓ મળી ચુકી છે.
દિલ્હી અને નોઈડાની ઘણી શાળાઓમાં ધમકીભર્યા ઈમેલ મોકલવામાં આવ્યા છે, જેમાં આ શાળાઓમાં બોમ્બ મૂકવાના સમાચારે હલચલ મચાવી દીધી છે. તેમાં દ્વારકાની ડીપીએસ, મયુર વિહારની મધર મેરી અને નવી દિલ્હીની સંસ્કૃતિ સ્કૂલ જેવી હાઈપ્રોફાઈલ શાળાઓ ઉપરાંત નોઈડાની ડીપીએસનો સમાવેશ થાય છે. આ ધમકી બાદ વિદ્યાર્થીઓને ઘરે મોકલી દેવામાં આવ્યા હતા.
આ ધમકી શાળાને ઈમેલ દ્વારા આપવામાં આવી છે
દિલ્હીમાં ફરી એકવાર બોમ્બની ધમકી મળી છે. હવે દ્વારકાની દિલ્હી પબ્લિક સ્કૂલમાં બોમ્બની ધમકી મળી છે. આ ધમકી શાળાને ઈમેલ દ્વારા આપવામાં આવી છે. દિલ્હી પોલીસ સ્કૂલની તપાસ કરી રહી છે. હજુ સુધી કોઈ શંકાસ્પદ વસ્તુ મળી નથી. હાલ બોમ્બ ડિસ્પોઝલ સ્ક્વોડ પણ ઘટનાસ્થળે હાજર છે.
આ શાળાઓમાં બોમ્બથી ઉડાવી દેવાની મળી ધમકી
બુધવારે સવારે, દિલ્હીની 8 શાળાઓમાં બોમ્બથી ઉડાવી દેવાની ધમકી મળ્યા પછી, દિલ્હી પોલીસ એક્શનમાં આવી ગઈ. આ કોઈ ષડયંત્ર છે કે કોઈની તોફાન, હાલમાં દિલ્હી પોલીસ આ મામલાની તપાસ કરી રહી છે. નવી દિલ્હી જિલ્લાના ચાણક્યપુરી પોલીસ સ્ટેશન વિસ્તારમાં આવેલી સંસ્કૃતિ સ્કૂલ, પૂર્વ દિલ્હીના મયૂર વિહાર, દ્વારકામાં આવેલી મધર મેરી સ્કૂલ અને બસંત વિહાર ડીપીએસ સ્કૂલમાં બોમ્બના સમાચારને કારણે ખળભળાટ મચી ગયો હતો.
આ સિવાય સાકેત સ્થિત ડીએવી સ્કૂલ અને એમિટી સ્કૂલ (સાકેત)માં પણ બોમ્બ હોવાની માહિતી મળી છે. નોઈડા અને ગ્રેટર નોઈડામાં સ્થિત ડીપીએસમાં પણ બોમ્બ હોવાની જાણ થઈ છે. અત્યાર સુધીમાં કુલ 13 શાળાઓમાં બોમ્બ હોવાની માહિતી મળી છે. તમામ સંબંધિત શાળાઓના બાળકોને ઘરે મોકલી દેવામાં આવ્યા છે.
દિલ્હીની ચાચા નેહરુ હોસ્પિટલને મળેલા બોમ્બની ધમકીના ઈ-મેલને અફવા ગણાવી હતી
આ પહેલા મંગળવારે સવારે દિલ્હીની ચાચા નેહરુ હોસ્પિટલને મળેલા બોમ્બની ધમકીના ઈ-મેલને અફવા ગણાવી હતી. પોલીસે જણાવ્યું કે હોસ્પિટલના એક કર્મચારીને સવારે 10 વાગ્યે ઈમેલ મળ્યો, જેના પગલે 'બોમ્બ ડિટેક્શન ટીમ', બોમ્બ ડિસ્પોઝલ સ્કવોડ, દિલ્હી ફાયર સર્વિસની એક ટીમ અને સ્થાનિક પોલીસ તાત્કાલિક બાળકોની હોસ્પિટલમાં પહોંચી ગઈ.
ધમકી માત્ર અફવા નીકળી હતી
એક પોલીસ અધિકારીએ જણાવ્યું કે હોસ્પિટલમાં સર્ચ ઓપરેશન હાથ ધરવામાં આવ્યું હતું અને ધમકી માત્ર અફવા હોવાનપ સામે આવ્યુ હતુ. પોલીસના જણાવ્યા અનુસાર, ઈમેલ મોકલનાર વ્યક્તિએ એક જ સમયે અનેક સંસ્થાઓ અને સરકારી સંસ્થાઓને એક જ ઈમેલ મોકલવાનો પ્રયાસ કર્યો હતો. જોકે, કેટલાક ઈમેલ આઈડી ખોટા હોવાનું જણાયું હતું. અધિકારીએ કહ્યું કે દિલ્હી પોલીસના સ્પેશિયલ સેલ અને અન્ય એજન્સીઓને જાણ કરવામાં આવી છે અને તેઓ આ મામલે તપાસ કરી રહ્યા છે. તેણે કહ્યું કે અજાણ્યા આરોપી દ્વારા આ તોફાની કૃત્ય હોય તેવું લાગે છે.
દિલ્હી પોલીસના સ્પેશિયલ સેલ અને અન્ય એજન્સીઓને જાણ કરવામાં આવી છે
એપ્રિલ મહિનામાં, દિલ્હીના IGI એરપોર્ટ પર સર્ચ દરમિયાન, પોલીસે સુરક્ષા કર્મચારીઓને 'પરમાણુ બોમ્બ'ની ધમકી આપવા બદલ બે મુસાફરોની ધરપકડ કરી હતી. અધિકારીએ જણાવ્યું કે આ ઘટના 5 એપ્રિલે બની હતી. બંનેની ઓળખ જીગ્નેશ માલાણી અને કશ્યપ કુમાર લાલાણી તરીકે થઈ હતી, જેઓ રાજકોટ, ગુજરાતના રહેવાસી હતા.
