- દિલ્હી હાઇકોર્ટે અરવિંદ કેજરીવાલની જામીન અરજી ફગાવી
- કોર્ટે કેજરીવાલની ધરપકડને ગણાવી યોગ્ય
- કોર્ટના નિર્ણયને લઇને ભાજપના પ્રવક્તા સુધાંશુ ત્રિવેદીએ કર્યા પ્રહાર
અરવિંદ કેજરીવાલની ધરપકડને પડકારતી અરજીને દિલ્હી હાઇકોર્ટે ફગાવી દીધી છે.કોર્ટનું કહેવુ છે કે કેજરીવાલની ધરપકડ યોગ્ય છે. આ મામલે ભાજપના પ્રવક્તા સુધાંશુ ત્રિવેદીએ પ્રેસ કોન્ફરન્સ સંબોધી હતી અને આમ આદમી પાર્ટીને આડેહાથ લીધી હતી.
આપ પાર્ટીનો ઘમંડ તૂટ્યો- સુધાંશુ ત્રિવેદી
સાંસદ અને ભાજપના પ્રવક્તા સુધાંશુ ત્રિવેદીએ આ મામલે ટિપ્પણી કરી કે આમ આદમી પાર્ટીનો ઘમંડ તૂટી ગયો છે. સ્વયંઘોષિત કટ્ટર ઇમાનદારનું પાત્ર ધારદાર તથ્યોની સાથે ચૂર ચૂર થઇ ગયું. વધુમાં જણાવ્યું કે કહેવાતા સામાન્ય માણસ મુખ્ય પ્રધાન માટે, કોર્ટે સ્પષ્ટપણે કહ્યું છે. સામાન્ય માણસ અને AAPના મુખ્યમંત્રી માટે કાયદો અલગ ન હોઈ શકે. આમ આદમી પાર્ટીનો કોમન મેનનો નકાબ ઉતરી ગયો છે. કારણ કે તેઓ એટલે કે અરવિંદ કેજરીવાલ એક ખાસ વ્યક્તિ જેવો વ્યવહાર કરવા માગતા હતા.
શું કહ્યું હાઇકોર્ટે ?
આદેશ આપતાં દિલ્હી હાઈકોર્ટે કહ્યું કે આ જામીનનો મામલો નથી. અરજીમાં ED દ્વારા ધરપકડને પડકારવામાં આવી છે. દિલ્હી હાઈકોર્ટે કહ્યું કે, સુપ્રીમ કોર્ટે કહ્યું છે કે તપાસ જલ્દી પૂરી કરવામાં આવે અને અરવિંદ કેજરીવાલ સમન્સ પર હાજર થયા ન હતા. કોર્ટને રાજકારણ સાથે કોઈ સંબંધ નથી. કોર્ટ કાયદા પ્રમાણે કામ કરે છે. આ પહેલા પણ રાજકારણીઓ સાથે જોડાયેલા મામલા સામે આવ્યા છે અને કોર્ટે કાયદા અને બંધારણ મુજબ કામ કર્યું છે.
સરકારી વ્યક્તિ હોવાને કારણે કોઈને રાહત મળી શકે તેમ નથી
EDની દલીલ છે કે અત્યાર સુધીના પુરાવા દર્શાવે છે કે કેજરીવાલ AAPના કન્વીનર છે. ગોવાની ચૂંટણીમાં 45 કરોડ રૂપિયાનો ખર્ચ થયો હતો. કેજરીવાલના વકીલે આનો વિરોધ કર્યો હતો. સરકારી સાક્ષી બનવાનો નિર્ણય કોર્ટ દ્વારા લેવામાં આવે છે તપાસ એજન્સી દ્વારા નહીં. જો પ્રશ્ન ઊભો થાય તો પ્રશ્ન માત્ર કોર્ટનો છે. શરથ રેડ્ડીએ ઈલેક્ટોરલ બોન્ડ દ્વારા બીજેપીને પૈસા આપ્યા, તેનાથી આ કોર્ટને કોઈ ચિંતા નથી. દિલ્હી હાઈકોર્ટે કહ્યું કે આરોપીઓ મુજબ તપાસ થઈ શકે નહીં. સરકારી વ્યક્તિ હોવાને કારણે કોઈને રાહત મળી શકે તેમ નથી. દિલ્હી હાઈકોર્ટે કહ્યું કે જો તપાસ એજન્સીને લાગે છે કે તપાસ માટે ધરપકડ જરૂરી છે તો તે ધરપકડ કરી શકે છે.
