રાજધાની દિલ્હી અને આસપાસના વિસ્તારોમાં હવા પ્રદૂષણના સ્તરમાં વધારાને ધ્યાનમાં રાખીને, શુક્રવારે GRAP હેઠળ પ્રતિબંધોનો ત્રીજો તબક્કો ફરીથી લાગુ કરવામાં આવ્યો હતો. એક સત્તાવાર આદેશમાં આ માહિતી આપવામાં આવી છે. દિલ્હીમાં વાયુ પ્રદૂષણનું સ્તર વધી રહ્યું છે અને 24 કલાકનો સરેરાશ હવા ગુણવત્તા સૂચકાંક (AQI) સાંજે 4 વાગ્યે 371ને પાર પહોંચ્યો છે.
હવામાન વિભાગ અને ભારતીય ઉષ્ણકટિબંધીય હવામાનશાસ્ત્ર સંસ્થાની આગાહી અનુસાર, પ્રતિકૂળ હવામાન પરિસ્થિતિઓને કારણે હવાની ગુણવત્તાની સ્થિતિ વધુ ખરાબ થવાની ધારણા છે. દિલ્હી-એનસીઆરમાં વાયુ પ્રદૂષણ ઘટાડવાની વ્યૂહરચના ઘડવા માટે જવાબદાર એર ક્વોલિટી મેનેજમેન્ટ કમિશને આ પ્રદેશના અધિકારીઓને પરિસ્થિતિને બગડતી અટકાવવા માટે ત્રીજા તબક્કા હેઠળ નિર્ધારિત પ્રતિબંધોને તાત્કાલિક અમલમાં મૂકવાનો નિર્દેશ આપ્યો છે.
