જસ્ટિન ટ્રુડોની સરકારનું ખાલિસ્તાનીઓ સાથેનું કૂણું વલણ હવે તો કેનેડાના લોકોને પણ ખટકવા લાગ્યું છે. કેનેડાની મુખ્ય વિપક્ષી પાર્ટીના નેતા પિએરે પોઇલીવારે કહ્યું કે જસ્ટિન ટ્રુડો દેશમાં ભાગલા પાડવાની કોશિશ કરી રહ્યા છે.
ટ્રુડો ખાલિસ્તાનીઓને સાથ આપીને દેશ સાથે ગદ્દારી કરી રહ્યા છે. ભારતવંશીઓએ 18 ઓગસ્ટે સ્વતંત્રતા દિવસ સમારંભનું આયોજન કર્યું હતું. આ પ્રસંગે ખાલિસ્તાનીઓ ત્યાં પહોંચી ગયા હતા અને કાર્યક્રમમાં ખલેલ ઊભી કરી હતી અને હિંદુઓ પાછા જાઓ જેવાં સૂત્રો પોકાર્યાં હતાં. શીખ ફોર જસ્ટિસના સભ્યોએ પત્રિકાઓ ઉડાડી હતી. ત્યાર બાદ કેનેડામાંના હિંદુઓ અને ખાલિસ્તાનીઓ વચ્ચે સંઘર્ષ થયો હતો. વિપક્ષે ખાલિસ્તાનીઓની આ પ્રવૃત્તિ સામે વાંધો ઉઠાવ્યો છે. વિપક્ષી દળનું કહેવું છે કે આ પ્રકારની પ્રવૃત્તિ સહન કરવામાં નહીં આવે. કેનેડામાં કન્ઝર્વેટિવ પાર્ટીના નેતા પિએરે પોઇલીવરે કહ્યું કે હિંદુઓને પણ પૂજાપાઠ અને પોતાના આયોજનોનો અધિકાર છે.
