અમેરિકામાં રહેતા ગેરકાયદે ભારતીયોને લઇને વધુ બે અમેરિકન વિમાનો આગામી 15 અને 16 તારીખે પંજાબના અમૃતસર એરપોર્ટ પર લેન્ડ થશે. 119 ગેરકાયદે ભારતીય પ્રવાસીઓ સાથેનું અમેરિકાનું પ્રથમ વિમાન શનિવારે 15 ફેબ્રુઆરીના રોજ અમૃતસર એરપોર્ટ પર ઉતરશે.
સત્તાવાર સૂત્રોના જણાવ્યા અનુસાર અમેરિકન વિમાન અમૃતસર એરપોર્ટ પર સવારે લગભગ 10 વાગ્યાની આસપાસ લેન્ડ થશે. શનિવારે લેન્ડ થનારા વિમાનમાં આવનારા 119 ભારતીય પ્રવાસીઓમાં 67 પંજાબના છે, જ્યારે 33 લોકો હરિયાણા રાજ્યના છે. ગુજરાતના આઠ, ઉત્તરપ્રદેશના ત્રણ અને ગોવા, મહારાષ્ટ્ર અને રાજસ્થાનના બે-બે તેમજ હિમાચલ પ્રદેશ અને જમ્મુ-કાશ્મીરના એક-એક નાગરિક સામેલ છે. અમેરિકામાં ગેરકાયદે રીતે ગયેલા ભારતીય પ્રવાસીઓ સાથેનું બીજું વિમાન 16 ફેબ્રુઆરી, રવિવારના રોજ લેન્ડ થાય તેવી અપેક્ષા સેવાઇ રહી છે.
