દેશમાં યોજાઈ રહેલી ચૂંટણીઓમાં લોકો હવે ઉત્સાહ સાથે મતદાન કરી રહ્યા છે. ચૂંટણી પંચે લોકસભાની ચૂંટણી અને ચાર રાજ્યમાં યોજાયેલી વિધાનસભાની ચૂંટણી સાથે જોડાયેલા ડેટા બહાર પાડયા છે. આ ડેટા અનુસાર લોકસભાની ચૂંટણી દરમિયાન 64.64 કરોડ મતદાતાઓએ મતાધિકારનો ઉપયોગ કર્યો હતો. તેમાં ખાસ બાબત એ છે કે મહિલા મતદાતાઓની સંખ્યા પુરુષો કરતાં વધારે રહી હતી. આયોગનું કહેવું છે કે ભારતમાં લોકતંત્ર અન્ય દેશોની સરખામણીએ અભૂતપૂર્વ છે. ગુરુવારે ચૂંટણી પંચે લોકસભાની ચૂંટણી સાથે જોડાયેલા 42 તથા ચાર રાજ્ય વિધાનસભા ચૂંટણી (અરુણાચલપ્રદેશ, આંધ્રપ્રદેશ, ઓડિશા અને સિક્કિમ) 14-14 રિપોર્ટ જાહેર કગર્યા હતાં. પંચે જણાવ્યું હતું કે આ આંકડા ચૂંટણી નિષ્ણાતો, શિક્ષણશાસ્ત્રીઓ, સંશોધનકારોને મદદરૂપ થશે.
આ રિપોર્ટમાં જણાવાયું છે કે લોકસભાની ચૂંટણીમાં 64.64 કરોડ મતદાઓએ મત આપીને વિશ્વવિક્રમ બનાવ્યો છે.2024ની ચૂંટણીમાં 12,459 ઉમેદવારી પત્ર ભરાયા હતાં જે સંખ્યા 2019ની ચૂંટણીમાં 11,692 હતી. 2024માં 8,360 ઉમેદવારો ઊભા રહ્યા હતાં જ્યારે 2019માં 8,054 ઉમેદવારો ચૂંટણી લડયા હતા.
