- મમતા બેનર્જીએ ગ્લોબલ બિઝનેસ સમિટમાં કરી મોટી જાહેરાત
- સૌરવ ગાંગુલી પશ્ચિમ બંગાળના નવા બ્રાન્ડ એમ્બેસેડર બન્યા
- ગાંગુલી પહેલા શાહરૂખ હતા બંગાળના બ્રાન્ડ એમ્બેસેડર
પશ્ચિમ બંગાળના મુખ્યમંત્રી મમતા બેનર્જીએ પૂર્વ ક્રિકેટર સૌરવ ગાંગુલીને રાજ્યના બ્રાન્ડ એમ્બેસેડર તરીકે નિયુક્ત કર્યા છે. તેઓ અગાઉ બંગાળ ક્રિકેટ એસોસિએશન અને બીસીસીઆઈના પ્રમુખ રહી ચૂક્યા છે. તેમજ સૌરવે આ જવાબદાર સ્વીકારતા મમતા બેનર્જીના વખાણ પણ કર્યા હતા.
ગાંગુલી આ જવાબદારી સ્વીકારે ના ન પાડેઃ મમતા બેનર્જી
તમારી જાણકારી માટે તમને જણાવી દઈએ કે મુખ્યમંત્રી મમતા બેનર્જીએ બંગાળ ગ્લોબલ બિઝનેસ સમિટમાં આ મોટી જાહેરાત કરી છે. મમતા બેનર્જીએ જણાવ્યું હતું કે, "સૌરવ ગાંગુલી ખૂબ જ લોકપ્રિય વ્યક્તિ છે અને તે યુવા પેઢી માટે ખૂબ સારી રીતે કામ કરી શકે છે. હું તેને બંગાળના બ્રાન્ડ એમ્બેસેડર તરીકે સામેલ કરવા માંગુ છું..." સૌરવ ગાંગુલી યુવાનોમાં ખૂબ જ લોકપ્રિય છે. હું ઈચ્છું છું કે તેઓ આ જવાબદારી સ્વીકારે અને ના બોલે. હાલમાં, ગાંગુલીએ આ જવાબદારી સ્વીકારી છે, પરંતુ તેની તરફથી કોઈ પ્રતિક્રિયા આવી નથી. પરંતુ રાજકીય નિષ્ણાતોએ તેનો રાજકીય અર્થ કાઢવાનું શરૂ કરી દીધું છે.
સૌરવ નવી જવાબદારી સ્વીકારતા હસતા જોવા મળ્યા હતા. મુખ્યમંત્રી મમતા બેનર્જી વિશે બોલતા સૌરવે કહ્યું, 'દીદીએ નાની-નાની બાબતોની જાણકારી લીધી. તેમણે એક મિનિટમાં મેસેજના જવાબ આપે છે.
ગાંગુલી પહેલા શાહરૂખ હતા બંગાળના બ્રાન્ડ એમ્બેસેડર
દેશના સૌથી લોકપ્રિય ક્રિકેટ ખેલાડીઓમાંના એક સૌરવ ગાંગુલીને દાદા તરીકે પણ ઓળખવામાં આવે છે. ક્રિકેટમાંથી નિવૃત્તિ લીધા પછી, ગાંગુલીએ બંગાળ ક્રિકેટ એસોસિએશન અને બીસીસીઆઈના પ્રમુખ તરીકે કામ કર્યું અને આઈપીએલમાં ઘણી ટીમો સાથે અલગ-અલગ જવાબદારીઓ નિભાવી છે.
આ પહેલા બોલિવૂડના દિગ્ગજ અભિનેતા શાહરૂખ ખાન ઘણા વર્ષોથી બંગાળના બ્રાન્ડ એમ્બેસેડર તરીકે કામ કરી રહ્યા હતા. જોકે શાહરૂખ છેલ્લા કેટલાક વર્ષોથી બ્રાન્ડ એમ્બેસેડર તરીકે સક્રિય નહોતો. હવે મમતાએ સૌરવને જવાબદારી સોંપી છે.
ગાંગુલીની ક્રિક્રેટમાં કારકિર્દી
ગાંગુલીએ ભારત માટે 113 ટેસ્ટ મેચ રમી અને 7212 રન બનાવ્યા. તેની એવરેજ 42.18 હતી. આ દરમિયાન તેણે 16 સદી અને એક બેવડી સદી ફટકારી હતી. તેણે 35 અડધી સદી ફટકારવાની સાથે ટેસ્ટમાં 32 વિકેટ પણ લીધી હતી. તે જ સમયે, ODIમાં, તેણે 311 મેચમાં 100 વિકેટ લીધી અને 11363 રન પણ બનાવ્યા.
