રાશન લેવા માટે તમારે હવે લાંબી લાઈનોમાં ઉભા રહેવાની કે ઓફિસ જવાની જરૂર નથી. આ પ્રક્રિયાને સરળ અને સુરક્ષિત બનાવવા માટે સરકારે ઓનલાઈન પોર્ટલ અને મોબાઈલ એપ લોન્ચ કરી છે, જેનાથી રાશન કાર્ડ મેળવવાનું ખૂબ જ સરળ બની ગયું છે.ડિજિટલ રાશનકાર્ડ ફક્ત સરકાર દ્વારા આપવામાં આવતી સુવિધાઓને સરળ બનાવતું નથી પરંતુ તે રાશનની દુકાનોને લગતી તમામ સેવાઓને પણ સરળ બનાવે છે.ડિજિટલ રાશન કાર્ડ ડાઉનલોડ કરવાથી પબ્લિક ડિસ્ટ્રિબ્યુશન સિસ્ટમ (PDS) હેઠળ અનાજ અને અન્ય આવશ્યક ચીજવસ્તુઓ મેળવવાનું સરળ બને છે. તે એક ઇલેક્ટ્રોનિક કાર્ડ છે જે લાંબા સમયથી ચાલતા રાશન કાર્ડનું ડિજિટલ વર્ઝન છે.
તમે એપ પરથી ડિડિટલ રાશનકાર્ડ ડાઉનલોડ કરી શકો છો.
મેરા રાશન 2.0 એપ
ભારત સરકાર દ્વારા શરૂ કરવામાં આવેલ એક મોબાઈલ એપ છે, જે રેશન કાર્ડધારકોને PDS સેવાઓની સરળ ઍક્સેસ પ્રદાન કરે છે. ડિજિટલ રેશન કાર્ડ એ એક ઇલેક્ટ્રોનિક દસ્તાવેજ છે જે લાભાર્થીઓને જાહેર વિતરણ પ્રણાલી (PDS) હેઠળ સબસિડીયુક્ત અનાજ મેળવવાની સુવિધા આપે છે. તેને ઓનલાઈન અથવા મેરા રાશન 2.0 એપ દ્વારા સરળતાથી ડાઉનલોડ કરી શકાય છે.
એપ્લિકેશન ડાઉનલોડ કરવા માટે
એન્ડ્રોઇડ યુઝર્સ: ગૂગલ પ્લે સ્ટોર પરથી ડાઉનલોડ કરો.
iOS વપરાશકર્તાઓ: Apple App Store પરથી ડાઉનલોડ કરો.
ડિજિટલ રાશન કાર્ડ ડાઉનલોડ કરવા
- એપ ડાઉનલોડ કરો: તમારા સ્માર્ટફોનમાં મેરા રાશન 2.0 એપ ઇન્સ્ટોલ કરો.
- એપ્લિકેશન ખોલો:
- વિગતો દાખલ કરો: સ્ક્રીન પર દર્શાવેલ તમારો આધાર નંબર અને કેપ્ચા કોડ દાખલ કરો.
- "Verify" બટનને ક્લિક કરો. તમારા રજિસ્ટર્ડ મોબાઈલ નંબર પર એક OTP આવશે.
- OTP દાખલ કરો: OTP દાખલ કરો અને "Verify" પર ક્લિક કરો.
- ડિજિટલ રેશન કાર્ડ મેળવો: ચકાસણી પછી, તમારું ડિજિટલ રેશન કાર્ડ સ્ક્રીન પર દેખાશે. તેને ડાઉનલોડ કરો, પ્રિન્ટ કરો અથવા સેવ કરો.
જો તમે તમારા ઈ-રેશન કાર્ડની માહિતી તપાસવા માંગતા હો, તો તમારા રાજ્યના ખાદ્ય અને જાહેર કલ્યાણ વિભાગની મુલાકાત લો.
