- લોકસભા ચૂંટણી પહેલા EDએ મહારાષ્ટ્રમાં બોલાવ્યો સપાટો
- શિખર બેંક કૌભાંડ કેસમાં EDએ રોહિત પવાર વિરુદ્ધ કાર્યવાહી
- EDએ સુગર ફેક્ટરી સહિત 161 એકર જમીન કરી જપ્ત
લોકસભા ચૂંટણી પહેલા EDએ મહારાષ્ટ્રમાં એક મોટી કાર્યવાહી કરીને NCP પ્રમુખ શરદ ચંદ્ર પવારના પૌત્ર રોહિત પવારની સુગર ફેક્ટરી જપ્ત કરી છે. શિખર બેંક કૌભાંડ કેસમાં EDએ આ કાર્યવાહી કરી છે.
મહારાષ્ટ્રમાં એન્ફોર્સમેન્ટ ડિરેક્ટોરેટે શુક્રવારે મોટી કાર્યવાહી કરી છે. EDએ NCP પ્રમુખ શરદ ચંદ્ર પવારના પૌત્ર ધારાસભ્ય રોહિત પવારની બારામતી એગ્રો કંપની દ્વારા ખરીદેલી કન્નડ કોઓપરેટિવ સુગર ફેક્ટરી જપ્ત કરી છે. આગામી લોકસભા ચૂંટણી પહેલા EDની આ સૌથી મોટી કાર્યવાહી છે. શિખર બેંક કૌભાંડ કેસમાં EDએ આ કાર્યવાહી કરી છે. છેલ્લા ઘણા દિવસોથી આ કેસમાં EDની કાર્યવાહી ચાલી રહી હતી. આ મામલામાં ઇડીએ ઘણી જગ્યાએ દરોડા પણ પાડ્યા હતા. આ પછી કન્નડ કોઓપરેટિવ સુગર ફેક્ટરીને જપ્ત કરવાની કાર્યવાહી હાથ ધરવામાં આવી છે. શિખર બેંક કૌભાંડ કેસમાં EDએ કન્નડ કોઓપરેટિવ સુગર ફેક્ટરીને જપ્ત કરી છે. જપ્ત કરાયેલી આ ફેક્ટરીની કિંમત 50 કરોડ 20 લાખ રૂપિયા છે. આ કેસમાં ED દ્વારા 161 એકર જમીન જપ્ત કરવામાં આવી છે.
શિખર બેંક કૌભાંડ મામલે મુંબઈ પોલીસે કેસ નોંધ્યો
આ મામલે પહેલો કેસ મુંબઈ પોલીસે નોંધ્યો હતો. આ કેસમાં એનસીપીના શરદચંદ્ર પવારના ઘણા નેતાઓને આરોપી બનાવવામાં આવ્યા હતા. રોહિત પવારની પણ લગભગ 3 દિવસ સુધી પૂછપરછ કરવામાં આવી હતી. તમામ દસ્તાવેજોની તપાસ કર્યા બાદ EDએ કન્નડ કોઓપરેટિવ સુગર ફેક્ટરીને જપ્ત કરી લીધી છે. EDએ કહ્યું હતું કે કન્નડ કોઓપરેટિવ સુગર ફેક્ટરી ખરીદતી વખતે શિખર બેંક દ્વારા અપનાવવામાં આવેલી પ્રક્રિયા ખોટી હતી. જે બાદ EDએ આ કાર્યવાહી કરી છે.
લોકસભા ચૂંટણી પહેલા EDની મોટી કાર્યવાહી
પ્રાપ્ત માહિતી અનુસાર, EDએ આ કેસમાં મુંબઈ પોલીસની આર્થિક અપરાધ શાખા દ્વારા લેવામાં આવેલી કાર્યવાહીની નોંધ લીધી અને પ્રાથમિક તપાસ શરૂ કરી. આ ઉપરાંત આ મામલે 2019માં બોમ્બે હાઈકોર્ટે આપેલા નિર્ણયનો પણ અભ્યાસ કરવામાં આવ્યો હતો. આ મામલે મની લોન્ડરિંગનો કેસ નોંધવામાં આવ્યો હતો. આ પછી હવે ED દ્વારા સૌથી મોટી કાર્યવાહી કરવામાં આવી છે. EDએ કન્નડ કોઓપરેટિવ ફેક્ટરીની જમીન, પ્લાન્ટ, મશીનરી અને સુગર યુનિટ બિલ્ડિંગ જપ્ત કરી લીધું છે.
બીજી તરફ NCPએ EDની કાર્યવાહીની ટીકા કરી છે. NCP શરદ ચંદ્ર પવારનું કહેવું છે કે EDની કાર્યવાહી રાજકીય હેતુથી પ્રેરિત છે અને EDનો ઉપયોગ સરકાર દ્વારા લોકસભા ચૂંટણી પહેલા વિપક્ષી પાર્ટીઓને હેરાન કરવા માટે કરવામાં આવી રહી છે.
