ECI Press 2024 Updated: મહારાષ્ટ્રમાં એક તબક્કામાં, ઝારખંડમાં બે તબક્કામાં યોજાશે મતદાન

EVM મામલે કરવામાં આવેલા તમામ પ્રશ્નોના જવાબ આપીશું: ECI

ચૂંટણી પંચે કહ્યું કે હરિયાણાની ચૂંટણીમાં જ્યાં ઈવીએમને લઈને ફરિયાદો મળી છે, તે તમામ સીટો પર અમે જવાબ આપીશું. અમારો જવાબ લેખિતમાં હશે. લોકશાહીમાં આ આપણી ફરજ છે. અત્યાર સુધી હેક અને અન્ય દાવા કરવામાં આવતા હતા, પરંતુ આ પહેલીવાર છે જ્યારે બેટરીને લઈને ફરિયાદ મળી છે.

વાવ વિધાનસભાની પેટા ચૂંટણીની તારીખ જાહેર, 13 નવેમ્બરે યોજાશે મતદાન; 23 નવેમ્બરે મતગણતરી

વાયનાડ લોકસભા બેઠક પર 13 નવેમ્બરે પેટાચૂંટણી

ઝારખંડમાં વિધાનસભા ચૂંટણીની તારીખ જાહેર 

ઝારખંડ વિધાનસભા ચૂંટણીની તારીખ જાહેર કરવામાં આવી છે. બે તબક્કામાં ઝારખંડમાં ચૂંટણી યોજાશે. ઝારખંડમાં પ્રથમ તબક્કાનું મતદાન 13 નવેમ્બરે અને બીજા તબક્કાનું મતદાન 20 નવેમ્બરે યોજાશે, ત્યારે 23 નવેમ્બરે મતગણતરી યોજાશે. 

મહારાષ્ટ્રમાં વિધાનસભા ચૂંટણીની તારીખ જાહેર 

મહારાષ્ટ્રમાં વિધાનસભા ચૂંટણીની તારીખ જાહેર કરવામાં આવી છે. મહારાષ્ટ્રમાં 20 નવેમ્બરે મતદાન યોજાશે, ત્યારે 23 નવેમ્બરે મતગણતરી યોજાશે. એક જ તબક્કામાં મહારાષ્ટ્રમાં ચૂંટણી યોજાશે. 

મતદાન મથકો પર કડક સુરક્ષા વ્યવસ્થા ગોઠવાશે 

મુખ્ય ચૂંટણી અધિકારીએ પત્રકાર પરિષદમાં જણાવ્યું કે તમામ મતદાન મથકો પર કડક સુરક્ષા વ્યવસ્થા ગોઠવવામાં આવશે. કોઈ અણબનાવ ના બને તેની પણ તકેદારી રાખવામાં આવશે.  

વરિષ્ઠ નાગરિકો ઘરેથી મત આપી શકશે: ચૂંટણી પંચ

મુખ્ય ચૂંટણી અધિકારીએ જણાવ્યું કે મહારાષ્ટમાં 1 લાખ 186 મતદાન બૂથ હશે અને ઝારખંડમાં 29,562 મતદાન બૂથ હશે અને મતદાન મથક પર તમામ સુવિધાઓ મળશે. લાંબી લાઈનો હશે તો બેસવા માટે ખુરશીની પણ વ્યવસ્થા મળશે. ત્યારે વરિષ્ઠ નાગરિકો ઘરેથી માત આપી શકશે. 

મહારાષ્ટ્રમાં કુલ 9.63 કરોડ મતદાર: ચૂંટણી પંચ 

પત્રકાર પરિષદમાં માહિતી આપતા મુખ્ય ચૂંટણી અધિકારીએ જણાવ્યું હતું કે મહારાષ્ટ્રમાં કુલ 9.63 કરોડ મતદાર છે અને મહારાષ્ટ્રમાં 288 બેઠક પર ચૂંટણી યોજાશે, ત્યારે ઝારખંડમાં 81 બેઠક પર ચૂંટણી યોજાશે અને 2 કરોડ 60 લાખ મતદારો છે. 

મુખ્ય ચૂંટણી અધિકારી રાજીવ કુમારે હરિયાણા, જમ્મૂ કાશ્મીરના મતદારોને આભાર માન્યો 

ચૂંટણી પંચના મુખ્ય ચૂંટણી અધિકારી રાજીવ કુમારે પત્રકાર પરિષદની શરૂઆતમાં જ હરિયાણા, જમ્મૂ કાશ્મીરના મતદારોને આભાર માન્યો હતો અને ઉંચા મતદાન માટે અભિનંદન પાઠવ્યા.

ચૂંટણી પંચની પત્રકાર પરિષદ શરૂ

ચૂંટણી પંચની પત્રકાર પરિષદ શરૂ થઈ ચૂકી છે અને થોડી જ વારમાં મહારાષ્ટ્ર-ઝારખંડ વિધાનસભા ચૂંટણીની તારીખોની  જાહેરાત કરવામાં આવશે. 

3 લોકસભા અને 49 વિધાનસભા બેઠકો માટે પણ પેટાચૂંટણીની જાહેરાત કરાશે

મહારાષ્ટ્ર અને ઝારખંડમાં ચૂંટણીની સાથે વાયનાડ સહિત 13 રાજ્યોની 3 લોકસભા અને 49 વિધાનસભા બેઠકો માટે પેટાચૂંટણીની પણ જાહેરાત થઈ શકે છે. રાહુલ ગાંધીએ કેરળની વાયનાડ સીટ પરથી રાજીનામું આપી દીધું છે. મહારાષ્ટ્રની નાંદેડ બેઠક કોંગ્રેસ સાંસદના નિધનને કારણે ખાલી થઈ છે. ત્યારે વિધાનસભા પેટાચૂંટણીની વાત કરીએ તો યુપીમાંથી 10, રાજસ્થાનમાંથી 7, પશ્ચિમ બંગાળમાંથી 6, આસામમાંથી 5, બિહારમાંથી 4, પંજાબમાંથી 4, કર્ણાટકમાંથી 3, કેરળમાંથી 3, મધ્યપ્રદેશમાંથી 2, સિક્કિમમાંથી 2,  ગુજરાતમાંથી 1, ઉત્તરાખંડની 1 અને છત્તીસગઢની 1 બેઠકનો સમાવેશ થાય છે.

થોડીવારમાં મહારાષ્ટ્ર અને ઝારખંડ વિધાનસભાની ચૂંટણીની તારીખ થશે જાહેર 

ચૂંટણી પંચે 3.30 વાગ્યે પત્રકાર પરિષદ બોલાવી છે. જેમાં મહારાષ્ટ્ર, ઝારખંડ વિધાનસભા ચૂંટણીની તારીખોની જાહેરાત કરવામાં આવી શકે છે. 

મહારાષ્ટ્રમાં ભાજપ 170 સીટો પર ચૂંટણી લડે તેવી શક્યતા

મહારાષ્ટ્રમાં ભાજપ કઇ બેઠકો પર ઉમેદવારોના નામ ફાઇનલ કરી શકે છે તેની વાત કરીએ તો, વર્તમાન ધારાસભ્યોની સાથે ભાજપ આ યાદીમાં કેટલીક હારેલી બેઠકો પરના ઉમેદવારોના નામ પણ ફાઈનલ કરી શકે છે. આ બેઠક લગભગ 4 કલાક ચાલી હતી. જેમાં રાજ્ય એકમના આગેવાનો દ્વારા તમામ 288 બેઠકો અંગે રજૂઆતો કરવામાં આવી હતી. જો કે ચર્ચા માત્ર તે બેઠકો પર થઈ હતી જેના પર પાર્ટી ચૂંટણી લડી રહી છે. ઉલ્લેખનીય છે કે ભાજપે 2019ની ચૂંટણી 164 સીટો પર લડી હતી, તેથી આ વખતે પાર્ટી 170 સીટો પર ચૂંટણી લડી શકે તેવી શક્યતા છે.

ECI ચીફ રાજીવ કુમારનું નિવેદન

'લોકો વોટથી જવાબ આપે', ECI ચીફ રાજીવ કુમારે EVM પર કોંગ્રેસના આરોપો અંગે આપ્યો જવાબ

ઝારખંડના સીએમ સોરેને પીએમ મોદીને લખ્યો પત્ર 

ચૂંટણી પંચ ઝારખંડ અને મહારાષ્ટ્ર વિધાનસભાની ચૂંટણીનું શેડ્યૂલ જાહેર કરે તેના કલાકો પહેલાં ઝારખંડના મુખ્ય પ્રધાન હેમંત સોરેને વડાપ્રધાન નરેન્દ્ર મોદીને પત્ર લખીને કોલસા કંપનીઓ પાસેથી રૂપિયા 1.36 લાખ કરોડના બાકી લેણાંની ચૂકવણીની માગણી કરી હતી.

અમે ચૂંટણી માટે સંપૂર્ણ રીતે તૈયાર: બાલાસાહેબ થોરાટ

મહારાષ્ટ્રમાં ચૂંટણીની તારીખોની જાહેરાત પર કોંગ્રેસના નેતા બાલાસાહેબ થોરાટે કહ્યું, “હવે ચૂંટણી શરૂ થશે, લોકોને શંકા હતી કે ચૂંટણી યોજાશે કે નહીં. અમે સંપૂર્ણ રીતે તૈયાર છીએ... અમે આ અઠવાડિયે બેઠક પર વાટાઘાટો પૂરી કરીશું.

ચૂંટણી માટે અમારી તમામ તૈયારીઓ પૂર્ણ: નાના પટોલે

મહારાષ્ટ્ર કોંગ્રેસના અધ્યક્ષ નાના પટોલેએ કહ્યું, મહા વિકાસ આઘાડી 288 બેઠકો પર ચૂંટણી લડશે. અમે ચૂંટણી માટે સંપૂર્ણ રીતે તૈયાર છીએ.

મહારાષ્ટ્ર-ઝારખંડ ચૂંટણીની તારીખની જાહેરાત પહેલા EVM મુદ્દે ચૂંટણી પંચે આપ્યું નિવેદન 

ઈવીએમ પર વિપક્ષી પાર્ટીઓ દ્વારા ઉઠાવવામાં આવેલા સવાલોને લઈને મુખ્ય ચૂંટણી કમિશનર રાજીવ કુમારે કહ્યું કે 'નાગરિકો મતદાનમાં ભાગ લઈને આ તમામ પ્રશ્નોના જવાબ આપે છે. જ્યાં સુધી EVMનો સંબંધ છે, તે 100 ટકા ફૂલપ્રૂફ છે'

કોંગ્રેસે EVM પર ઉઠાવ્યા સવાલ

કોંગ્રેસના નેતા રાશિદ અલ્વીએ ઝારખંડ અને મહારાષ્ટ્રમાં ચૂંટણીની તારીખોની જાહેરાત પર પોતાની પ્રતિક્રિયા આપતા ચૂંટણી પંચ અને ઈવીએમની કામગીરી પર મોટા સવાલો ઉઠાવ્યા હતા. તેમના નિવેદનમાં તેમણે કહ્યું, "EVMની મોટી રમત ગમે ત્યાં થઈ શકે છે અને તેના માટે ભાજપ ચૂંટણી પહેલા આ બધી રમત રમે છે." કોંગ્રેસ નેતાનું આ નિવેદન ઝારખંડ મુક્તિ મોરચાના આરોપો બાદ આવ્યું છે કે ભાજપને ચૂંટણીની તારીખોની જાહેરાત પહેલાથી જ ખબર હતી.

ઈન્ડિયા ગઠબંધન ઝારખંડમાં તમામ બેઠકો પર લડશે ચૂંટણી 

JMMની આગેવાની હેઠળના ઈન્ડિયા ગઠબંધને જાહેરાત કરી છે કે તેઓ ચૂંટણીમાં તમામ 81 બેઠક પર લડશે અને ભાજપની 'ડબલ એન્જિન સરકાર' સામે જીત મેળવશે. 

ઝારખંડમાં ઈન્ડિયા ગઠબંધન અને NDA વચ્ચે ટક્કર

ઝારખંડમાં પણ બે ગઠબંધન વચ્ચે ટક્કર રહેશે, ઝારખંડમાં ઈન્ડિયા ગઠબંધન અને NDA વચ્ચે ટક્કર જોવા મળશે. 

મહારાષ્ટ્રમાં બે ગઠબંધન વચ્ચે યોજાશે ચૂંટણી 

મહારાષ્ટ્ર વિધાનસભાની ચૂંટણીમાં બે મુખ્ય ગઠબંધન, શાસક મહાયુતિ (ભાજપ, શિવસેના અને એનસીપી) અને વિપક્ષી પાર્ટી મહા વિકાસ અઘાડી (કોંગ્રેસ, શિવસેના યુબીટી અને એનસીપી-એસપી) વચ્ચે ચૂંટણી યોજાશે.

મહારાષ્ટ્ર, ઝારખંડ વિધાનસભા ચૂંટણીની તારીખોની આજે જાહેરાત કરવામાં આવશે 

આજે ચૂંટણી પંચના અધિકારીઓએ બંને રાજ્યોની વિધાનસભા ચૂંટણીના કાર્યક્રમની જાહેરાત કરવા માટે દિલ્હીમાં બપોરે 3.30 વાગ્યે પ્રેસ કોન્ફરન્સ બોલાવી છે. જેમાં મહારાષ્ટ્ર, ઝારખંડ વિધાનસભા ચૂંટણીની તારીખોની અને પરિણામની તારીખની આજે જાહેરાત કરવામાં આવશે. તમને જણાવી દઈએ કે મહારાષ્ટ્ર વિધાનસભાનો કાર્યકાળ 26 નવેમ્બરે અને ઝારખંડ વિધાનસભાનો કાર્યકાળ 5 જાન્યુઆરી, 2025ના રોજ પૂરો થાય છે. મહારાષ્ટ્રમાં 288 વિધાનસભા બેઠકો અને ઝારખંડમાં 81 બેઠકો પર ચૂંટણી યોજાશે.