ELection Results Breaking: અધુરા પરિણામ વચ્ચે જ NDA vs INDIAમાં સત્તાની ખેંચતાણ

• લોકસભા ચૂંટણીના પરિણામને લઇ NDA vs INDIAનો રસાકરીનો ખેલ
  
• અધુરા પરિણામ વચ્ચે બન્ને પાર્ટીઓમાં રાજકીટ ઉથલપાથલ શરૂ
• લોકસભા ચૂંટણીના તમામ પરિણામો હજુ બાકી છે તેમા ખળભળાટ 

આજે લોકસભા ચૂંટણીના પરિણામોની સૌ-કોઇ આતુરતાથી રાહ જોઇ રહ્યું છે. ત્યારે લોકસભા ચૂંટણીના હાલના રુઝાનોએ દેશવાસીઓને અચંબિત કરી દીધા છે. ભાજપના 400ના આંકડાને પાર કરવાની મુરાદ અધૂરી રહી ગઈ છે. હાલ ભાજપ-એનડીએ લોકસભા ચૂંટણીના પરિણામોમાં સ્પષ્ટ બહુમતીથી દૂર દેખાઇ રહ્યા છે, તો કોંગ્રેસ પક્ષ ફરી ઊભરતો દેખાઇ રહ્યો છે.

અત્યાર સુધીના લોકસભાના ચૂંટણી વલણો પરથી સ્પષ્ટ થઇ રહ્યું છે કે કેન્દ્રમાં સત્તાનું સિંહાસન ડામાડોળ થતા વડાપ્રધાન નરેન્દ્ર મોદી અને ગૃહમંત્રી અમિત શાહ એકશન મોડમાં આવી ગયા છે. ત્યારે હવે આ વખતે બે મોટા નેતા ખૂબ જ શક્તિશાળી સામે આવ્યા છે. પ્રથમ બિહારના મુખ્યમંત્રી અને JDU નેતા નીતિશ કુમાર છે અને બીજા આંધ્ર પ્રદેશના TDP નેતા ચંદ્રાબાબુ નાયડુ છે.

લોકસભા ચૂંટણી 2024ના પરિણામોમાં ભાજપને સ્પષ્ટ બહુમતી મળી નથી. અત્યાર સુધીના વલણો મુજબ ભાજપ 240 બેઠકો પર અટવાયેલો છે. સરકાર બનાવવા માટે જરૂરી 272 ના જાદુઈ આંકડા સુધી પહોંચવા માટે, તેને 14 બેઠકો સાથે JDU અને 16 બેઠકો સાથે TDPની જરૂર પડશે. માનવામાં આવે છે કે આ પાર્ટીઓના સહયોગથી એનડીએ સરકાર સરળતાથી બની જશે. તેમ છતાં, અત્યાર સુધીમાં લગભગ 230 બેઠકો મેળવનાર INDIA Allianceની આશાઓ પૂર્ણ થઈ છે. આ જ કારણ છે કે ચંદ્રબાબુ નાયડુ અને નીતિશ કુમારને તોડવાના પ્રયાસો શરૂ થયા છે.

લોકસભા ચૂંટણી-2024 માટે પડેલા મતોની આજે ગણતરી થઈ રહી છે. આ પ્રક્રિયા 8 વાગ્યે શરૂ થઈ હતી. ટ્રેન્ડમાં એનડીએ અને ઈન્ડિયા એલાયન્સ વચ્ચે રસાકસી ચાલી રહી છે. એકલા ભાજપ માટે બહુમતી મેળવવી મુશ્કેલ લાગે છે. આવી સ્થિતિમાં નીતિશ કુમાર અને ચંદ્રબાબુ નાયડુની પાર્ટી ટીડીપીની માંગ વધી છે. કોંગ્રેસ સરકાર બનાવવા માટે બંને પક્ષોનો સતત સંપર્કમાં જોવા મળી રહ્યા છે.

NCPના નેતા શરદ પવારે કહ્યું કે, લોકસભા ચૂંટણીના તમામ પરિણામો હજુ હાથમાં નથી આવ્યા, પરંતુ તે સ્પષ્ટ છે કે મહારાષ્ટ્રે પરિણામોને પરિવર્તનની દિશામાં લઈ લીધા છે. મહારાષ્ટ્ર ડેવલપમેન્ટ એલાયન્સમાં, ભારતીય રાષ્ટ્રીય કોંગ્રેસ, શિવસેના (UBA) અને રાષ્ટ્રવાદી કોંગ્રેસ પાર્ટી (શરદ ચંદ્ર પવાર) એ સામૂહિક રીતે લોકો સમક્ષ તેમની ભૂમિકા રજૂ કરી. તેમણે છત્રપતિ શિવાજી મહારાજના આદર્શોને ધ્યાનમાં રાખીને શાહુ-ફૂલે-આંબેડકરના પ્રગતિશીલ વિચારને આગળ ધપાવવા અને લોકતાંત્રિક મૂલ્યોનું રક્ષણ કરવામાં મુખ્ય ભૂમિકા ભજવી હતી. અઘાડી જાતિ-ધર્મના વિવાદોથી આગળ વધીને રોજગાર અને મોંઘવારી જેવી રોજિંદી સમસ્યાઓના ઉકેલ માટે પ્રતિબદ્ધ છે. લોકોએ આ ભૂમિકાને આવકારી અને આદર આપ્યો અને મારામાં વિશ્વાસ દર્શાવવા બદલ હું મહારાષ્ટ્રના તમામ લોકોનો આભાર વ્યક્ત કરું છું.