એલ્વિશ યાદવની નોઈડા પોલીસે કરી ધરપકડ, સાપનું ઝેર સપ્લાય કરવાનો છે આરોપી

• નોઈડામાં સાપનું ઝેર સપ્લાય કરતી ગેંગનો પર્દાફાશ 
  
• આરોપીઓ પાસેથી 5 પ્રજાતિના 9 સાપ મળી આવ્યા
• ઝેર સપ્લાય કેસમાં યુટ્યુબર એલ્વિશનું નામ આવ્યું સામે

નોઈડા પોલીસે યુટ્યુબર એલ્વિશ યાદવની ધરપકડ કરી હોવાના સમાચાર સામે આવી રહ્યા છે. આ પહેલા એલ્વિશની લાંબી પૂછપરછ કરવામાં આવી હતી. પોલીસ તપાસમાં નોઈડામાં સાપનું ઝેર સપ્લાય કરતી ગેંગના પર્દાફાશ દરમિયાન એલ્વિશ યાદવનું નામ સામે આવ્યું હતું. એલ્વિશ યાદવને કોર્ટમાં હાજર કરવામાં આવ્યો છે.

નોઈડા પોલીસે સાપના ઝેર કેસમાં યુટ્યુબર એલ્વિશ યાદવની ધરપકડ કરી છે. આ પહેલા એલ્વિશની લાંબી પૂછપરછ કરવામાં આવી હતી. તાજેતરમાં નોઈડામાં સાપનું ઝેર સપ્લાય કરતી ગેંગના પર્દાફાશ દરમિયાન એલ્વિશ યાદવનું નામ સામે આવ્યું હતું. ત્યારથી એવું માનવામાં આવી રહ્યું હતું કે પોલીસ એલ્વિશની ધરપકડ કરી શકે છે. જોકે એલ્વિશને કોર્ટમાં હાજર કરવામાં આવ્યો છે.

આરોપીઓ પાસેથી 5 પ્રજાતિના 9 સાપ મળી આવ્યા

નોઈડા પોલીસે છેલ્લે સેક્ટર 51ના એક ગેસ્ટ હાઉસમાંથી અનેક શખ્સોની ધરપકડ કરી હતી, આરોપીઓ પાસેથી 5 પ્રજાતિના 9 સાપ મળી આવ્યા હતા અને ઝેર પણ મળી આવ્યું હતું. આ લોકોની પૂછપરછના આધારે એલ્વિશ યાદવને આરોપી બનાવવામાં આવ્યો હતો. રવિવારે સેક્ટર 135 પોલીસે આ જ કેસમાં એલ્વિશને પૂછપરછ માટે બોલાવ્યો હતો. આ દરમિયાન ઘણા વરિષ્ઠ અધિકારીઓ પણ સ્થળ પર હાજર હતા. પૂછપરછ બાદ પોલીસે ઘટનાસ્થળે જ એલ્વિશની ધરપકડ કરી હતી.

શું હતો સમગ્ર મામલો?

ગયા વર્ષે નવેમ્બરમાં પોલીસે સાપનું ઝેર સપ્લાય કરતી ગેંગનો પર્દાફાશ કર્યો હતો. પીપલ ફોર એનિમલ્સ સંસ્થાના ગૌરવ ગુપ્તાની ફરિયાદ પર આ કાર્યવાહી કરવામાં આવી છે. ગૌરવનો આરોપ હતો કે નોઈડામાં રેવ પાર્ટીઓમાં સાપના ઝેરનો ઉપયોગ કરવામાં આવે છે અને વીડિયો બનાવવામાં આવે છે. જેના આધારે ડ્રગ્સ વિભાગે વન વિભાગ સાથે મળીને સેક્ટર 51માં એક બેન્ક્વેટ હોલમાં દરોડો પાડ્યો હતો. રવિનાથ, નારાયણ, જયકરણ, રાહુલ અને તિતુનાથ સ્થળ પર જ ઝડપાઈ ગયા હતા.