- સુપ્રીમ કોર્ટે છત્તીસગઢ દારુ કૌભાંડ મામલાને લગતો મની લોન્ડરિંગ કેસ રદ કરી દીધો છે
- EDએ રુ. 2000 કરોડ કૌભાંડની વાત કરી હતી જેમાં પૂર્વ IASના પુત્રનું નામ આવ્યું હતું
- EDએ છત્તીસગઢ એક્સાઈઝ વિભાગના અધિકારીઓ, કોંગ્રેસના નેતાઓની પૂછપરછ કરી
છત્તીસગઢ દારૂ કૌભાંડ કેસમાં પૂર્વ IAS અનિલ તુટેજા અને તેમના પુત્ર યશને મોટી રાહત મળી છે. સુપ્રીમ કોર્ટે આ મામલાને લગતા મની લોન્ડરિંગ કેસને રદ કરી દીધો છે. કોર્ટે કહ્યું કે આમાં ગુનામાંથી કોઈ આવક નથી. જસ્ટિસ અભય એસ ઓકા અને જસ્ટિસ ઉજ્જલ ભુઈયાની બેંચે કહ્યું કે આ કેસમાં પ્રિવેન્શન ઑફ મની લોન્ડરિંગ એક્ટ PMLA હેઠળ કોઈ ગુનો નોંધાયો નથી.
2019માં તપાસ એજન્સીએ અનેક જગ્યાએ દરોડા પાડ્યાં હતા
આ મામલે વર્ષ 2019માં તપાસ એજન્સીએ ઘણા અધિકારીઓ અને બિઝનેસમેનના ઘર પર દરોડા પાડ્યા હતા. આ કાર્યવાહીથી રાજ્યમાં ખળભળાટ મચી ગયો હતો. અધિકારીઓમાં અને રાજકીય વર્તુળોમાં ગભરાટનો માહોલ સર્જાયો હતો. EDએ છત્તીસગઢ એક્સાઈઝ વિભાગના અધિકારીઓ, કોંગ્રેસના નેતાઓ અને દારૂના વેપારીઓની પૂછપરછ કરી હતી.
EDએ 2000 કરોડ રૂપિયાના કૌભાંડની વાત કરી હતી
આ પછી EDએ 2000 કરોડ રૂપિયાના કૌભાંડની વાત કરી હતી. આ જ કેસમાં પૂર્વ IAS અનિલ તુટેજા અને તેમના પુત્ર યશનું નામ પણ સામે આવ્યું હતું. સુપ્રીમ કોર્ટે સોમવારે તેમને મોટી રાહત આપી છે. કોર્ટે કહ્યું કે આ કેસમાં ECIR અને FIRનું અવલોકન દર્શાવે છે કે પૂર્વાનુમાન અપરાધ કરવામાં આવ્યો નથી.
તાજેતરમાં દારુ કૌભાંડમાં આરોપીની ધરપકડ કરાઈ હતી
વધુમાં, તમને જણાવી દઈએ કે તાજેતરમાં જ દારૂ કૌભાંડના આરોપી અનવર ઢેબરની ધરપકડ કરવામાં આવી હતી. ભિલાઈના કોશા નગર ટોલ નજીક EOW અને સુપેલા પોલીસ સ્ટેશન દ્વારા તેની ધરપકડ કરવામાં આવી હતી. અનવરને 8 મહિના પહેલા જામીન મળ્યા હતા. આ કેસમાં એસીબીએ EDની ભલામણ પર 70 લોકો વિરુદ્ધ FIR નોંધી હતી. તેમાં અનવર અને અરવિંદનું નામ પણ છે.
