- વિરુધુનગરમાં ફટાકડાની ફેક્ટરીમાં વિસ્ફોટ
- 5 મહિલાઓ સહિત 9ના મોત
- ઈજાગ્રસ્તોની શિવાકાશી સરકારી હોસ્પિટલમાં સારવાર ચાલી રહી છે
તમિલનાડુથી એક મોટા સમાચાર આવી રહયા છે.જેમાં વિરુધુનગર જિલ્લાના વેમ્બકોટ્ટાઈ નજીક રામુ દેવનપટ્ટીમાં ફટાકડાની ફેક્ટરીમાં વિસ્ફોટ થયો હતો. વિસ્ફોટ એટલો જોરદાર હતો કે, આખી ફેક્ટરી કાટમાળમાં ફેરવાઈ ગઈ હતી. વિસ્ફોટમાં પાંચ મહિલાઓ સહિત ઓછામાં ઓછા 9 લોકોના મોત થયા હતા અને 8 અન્ય લોકો ગંભીર રીતે ઈજાગ્રસ્ત થયા હતા.ઘટના બનતાની સાથે જ ફાયર વિભાગ તેમજ ઈમરજન્સી સેવાઓ ઘટના સ્થળે પહોચી ગઈ હતી,અને બચાવ કામગીરી શરૂ કરી હતી.
ફેક્ટરીમાં 74 રૂમ ચાર કાટમાળમાં ફેરવાયા
શિવકાશી કાર્નેશન વિસ્તારમાં રહેતા વિગ્નેશની અલંકુલમ નજીક રામુતેવનપટ્ટીમાં ફટાકડાની ફેક્ટરી છે. આ ફટાકડાની ફેક્ટરીમાં 74 રૂમ છે. કેન્દ્રીય પેટ્રોલિયમ અને વિસ્ફોટક વિભાગ પાસેથી લાયસન્સ મળી ગયું છે. અહીં 150 થી વધુ કર્મચારીઓ કામ કરે છે. રાબેતા મુજબ આ ફેક્ટરીમાં કામદારો ફટાકડા બનાવવામાં વ્યસ્ત હતા.બપોરે, કામદારો એક રૂમમાં ફટાકડા ફોડવાની પ્રક્રિયામાં રોકાયેલા હતા. પછી ઘર્ષણ થયું અને અચાનક વિસ્ફોટ થયો. જેના કારણે પ્લાન્ટના 4 રૂમના છોતરા ઉડી ગયા હતા. આ અકસ્માતમાં રમેશ, કરુપ્પાસામી, અભયજ, મુથુ, અંબિકા, મુરુગાજોથી અને શાંતા સહિત 9 લોકોના મોત થયા હતા. તેમના મૃતદેહ વિકૃત હાલતમાં મળી આવ્યા હતા.
ફાયર ફાયટરોએ આગને કાબુમાં લીધી
આ અકસ્માતમાં અન્ય 8 લોકો ગંભીર રીતે ઈજાગ્રસ્ત થયા હતા.માહિતી મળતાં જ ઘટનાસ્થળે પહોંચેલા શિવકાશી, ઇજાયરમ્પનાઈ અને વેમ્બક્કોટ્ટાઈ ફાયર સ્ટેશનના ફાયર બ્રિગેડના જવાનોએ લાંબી જહેમત બાદ આગ પર કાબૂ મેળવ્યો હતો.તેમજ અલંકુલમ પોલીસે કેસ નોંધીને ઘટનાની તપાસ હાથ ધરી છે. ફટાકડાની ફેક્ટરીમાં વિસ્ફોટ થતાં એક જ દિવસમાં 9 લોકોના મોતની ઘટનાથી વિસ્તારમાં શોકનું મોજુ ફરી વળ્યું છે.
[[$googlead]]
