- પંજાબથી શરૂ થયેલા ખેડૂત આંદોલનને મળ્યો હરિયાણા સંગઠનોનું સમર્થન
- 7 જિલ્લામાં ઈન્ટરનેટ સેવાઓ પરનો પ્રતિબંધ વધુ બે દિવસ માટે લંબાવાયો
- હરિયાણાના સાત જિલ્લામાં 19 ફેબ્રુઆરી સુધી ઇન્ટરનેટ પર પ્રતિબંધ રહેશે
પંજાબની સરહદે આવેલા હરિયાણાના સાત જિલ્લામાં ઈન્ટરનેટ સેવાઓ પરનો પ્રતિબંધ વધુ બે દિવસ માટે લંબાવવામાં આવ્યો છે. હવે 19 ફેબ્રુઆરી સુધી ઇન્ટરનેટ પર પ્રતિબંધ રહેશે. હરિયાણાના અંબાલા, કુરુક્ષેત્ર, કૈથલ, જીંદ, હિસાર, ફતેહાબાદ, સિરસામાં 19 ફેબ્રુઆરીની મધ્યરાત્રિ સુધી ઈન્ટરનેટ સેવાઓ બંધ રહેશે.
પંજાબના ખેડૂતોના આંદોલનને હરિયાણાના ખેડૂત સંગઠનોનું સમર્થન મળવા લાગ્યું છે. અગાઉના ખેડૂત આંદોલનમાં સક્રિય ભૂમિકા ભજવનાર ભારતીય કિસાન યુનિયન ચઢૂની જૂથ સહિત ખાપો અને અન્ય ખેડૂત સંગઠનો હવે પંજાબના સંગઠનોના સમર્થનમાં આવ્યા છે. ધીરે ધીરે આંદોલન ગામડે ગામડે પહોંચવા લાગ્યું.
