- આ પ્રદર્શનમાં ઓલિમ્પિયન વિનેશ ફોગાટ પણ જોડાય તેવી શક્યતા છે
- પંઢેરે કહ્યું અમે ફરી એકવાર સરકાર સમક્ષ અમારી માંગણીઓ રજૂ કરીશું
- કેન્દ્ર સરકાર તેમના સંકલ્પની પરીક્ષા કરી રહી છે
શંભુ બોર્ડર પર ઘણા સમયથી ચાલી રહેલા ખેડૂતોના આંદોલનને શનિવારે 200 દિવસ પૂર્ણ થયા છે. શંભુ બોર્ડર પર આંદોલનના 200 દિવસ પૂરા થવાના અવસરે ખેડૂતો મોટી સંખ્યામાં એકઠા થયા છે અને મોટા પ્રદર્શનનું આયોજન કરી રહ્યા છે. ખેડૂતોના આ પ્રદર્શનમાં ઓલિમ્પિયન વિનેશ ફોગાટ પણ જોડાય તેવી શક્યતા છે. ખેડૂતોના આ મોટા પ્રદર્શનમાં મહિલા કુસ્તીબાજ વિનેશ ફોગટને કાર્યક્રમ દરમિયાન ખેડૂતો દ્વારા સન્માનિત કરવામાં આવી શકે છે.
'અમારી માંગણીઓ સંતોષાઈ નથી'
ખેડૂત આગેવાન સર્વનસિંહ પંઢેરે જણાવ્યું હતું કે આંદોલન શાંતિપૂર્ણ પરંતુ ખૂબ ઝડપથી ચાલી રહ્યું છે. તેમણે કહ્યું કે કેન્દ્ર સરકાર તેમના સંકલ્પની પરીક્ષા કરી રહી છે અને તેમની માંગણીઓ હજુ સુધી સંતોષવામાં આવી નથી. પંઢેરે કહ્યું, "અમે ફરી એકવાર સરકાર સમક્ષ અમારી માંગણીઓ રજૂ કરીશું અને નવી જાહેરાતો પણ કરવામાં આવશે." તેમણે ભારપૂર્વક જણાવ્યું હતું કે વિરોધના 200 દિવસ પૂરા થવું એ એક મહત્વપૂર્ણ સીમાચિહ્ન છે. તો બીજી બાજુ બોલીવુડ અભિનેત્રી અને BJP સાંસદ કંગના રનૌત વિરૂદ્ધ કડક કાર્યવાહી કરવાની માગ કરી છે. ખેડૂતોએ ભારતીય જનતા પાર્ટીને અભિનેત્રી વિરૂદ્ધ આક્રમક વલણ અપનાવવાનો આગ્રહ કર્યો છે. જેના વિવાદાસ્પદ નિવેદનથી વિવાદનો મધપુડો એકવાર ફરી છંછેડાયો હતો.
આગામી હરિયાણાની ચૂંટણીને લઇને પોતાની રણનીતિ અંગે ખુલાસો કરાવાના સંકેત આપ્યા છે.
ખેડૂતોએ આગામી હરિયાણાની ચૂંટણીને લઇને પોતાની રણનીતિ અંગે ખુલાસો કરાવાના સંકેત આપ્યા છે. પોલીસ પ્રશાસન દ્વારા ખેડૂતોને દિલ્હી કૂચ કરતા રોકવાથી ખેડૂતો 13 ફેબ્રુઆરીથી શંભુ બોર્ડર પર પ્રદર્શન કરી રહ્યા છે. રાક માટે એમએસપીને લઇને કાયદો લાવવાની ગરંટીના માગ કરી રહ્યા છે. હવે જોવાનુ એ છે કે આ આંદોલન કઇ દિશામાં ફંટાશે.
એક બાજુ ખેડૂતો ટશથી મશ થવા તૈયાર નથી
એક બાજુ ખેડૂતો ટશથી મશ થવા તૈયાર નથી તેઓ માની રહ્યા છે કે સરકારે તેમની વાત માનવી જોઇએ. તેમણે માગ કરી છે તે સરકારે માન્ય રાખી નથી, ફક્ત આશ્વાસન આપીને આંદોલનને અટકાવવાનો પ્રયાસ થઇ રહ્યો છે. જો કે આટલા લાંબા સંઘર્ષ પછી ખેડૂતો આંદોલન ફરી ઉગ્ર બનાવશે તે નક્કી છે.
