Tamilnaduમાં રૂપિયાના સિમ્બોલને બદલવા પર નાણાપ્રધાન નિર્મલા સીતારમણે ઉઠાવ્યા સવાલ

તમિલનાડુ સરકારે રાજ્યના બજેટ 2025-26 દસ્તાવેજોમાંથી રૂપિયાના સત્તાવાર પ્રતીક '₹' ને દૂર કરવાના મુદ્દાએ જોર પકડ્યું છે. ભાજપ આ અંગે રાજ્ય સરકાર પર સતત નિશાન સાધી રહ્યું છે. હવે કેન્દ્રીય નાણાં પ્રધાન નિર્મલા સીતારમણે આ મુદ્દે ભારે વિરોધ વ્યક્ત કર્યો છે. તેમણે પ્રશ્ન કર્યો કે જો ડીએમકેને રૂપિયાના પ્રતીકથી સમસ્યા હતી તો તેણે 2010માં યુપીએ સરકારનો ભાગ હતી, ત્યારે તેને સત્તાવાર રીતે અપનાવવા સામે કેમ વાંધો ન ઉઠાવ્યો?

નિર્મલા સીતારમણે કર્યા સવાલ

X પરની એક પોસ્ટમાં, નાણામંત્રીએ કહ્યું કે "DMK સરકારે તમિલનાડુ બજેટ 2025-26 દસ્તાવેજોમાંથી સત્તાવાર રૂપિયાનું પ્રતીક '₹' દૂર કરી દીધું છે, જે આવતીકાલે રજૂ કરવામાં આવશે. જો DMK ને '₹' થી સમસ્યા છે, તો તેણે 2010માં તેનો વિરોધ કેમ ન કર્યો? જ્યારે તેને કોંગ્રેસની આગેવાની હેઠળની UPA સરકાર હેઠળ સત્તાવાર રીતે અપનાવવામાં આવ્યું હતું, તે સમયે જ્યારે DMK કેન્દ્રમાં શાસક ગઠબંધનનો ભાગ હતો. વિડંબના એ છે કે '₹' ડીએમકેના ભૂતપૂર્વ ધારાસભ્ય એન. ધર્મલિંગમના પુત્ર ટી.ડી. ઉદય કુમાર દ્વારા ડિઝાઈન કરવામાં આવ્યું હતું. હવે તેને ભૂંસી નાખીને DMK માત્ર રાષ્ટ્રીય પ્રતીકને નકારી રહ્યું નથી, પરંતુ તમિલ યુવાનના સર્જનાત્મક યોગદાનને સંપૂર્ણપણે અવગણી રહ્યું છે."

₹ ચિહ્ન ક્યારે અપનાવવામાં આવ્યું?

રૂપિયાનું પ્રતીક ₹ 15 જુલાઈ 2010ના રોજ સત્તાવાર રીતે અપનાવવામાં આવ્યું હતું. આ 5 માર્ચ, 2009ના રોજ સરકાર દ્વારા જાહેર કરાયેલા ડિઝાઈન સ્પર્ધા પછી થયું છે. 2010ના બજેટ દરમિયાન, તત્કાલીન નાણામંત્રી પ્રણવ મુખર્જીએ એક એવું પ્રતીક રજૂ કરવાની જાહેરાત કરી હતી જે ભારતીય નૈતિકતા અને સંસ્કૃતિને પ્રતિબિંબિત કરશે અને તેને મૂર્તિમંત બનાવશે. આ જાહેરાત પછી જાહેર સ્પર્ધા યોજાઈ હતી. જેના પરિણામે વર્તમાન ડિઝાઇનની પસંદગી કરવામાં આવી હતી.