પૂર્વ RAW ચીફ Rajinder Khanna દેશના પહેલા એડિશનલ NSA બન્યા

• રાજીન્દર ખન્નાને એડિશનલ NSA તરીકે નિયુક્ત કર્યા
  
• ખન્ના 1978 બેચના IPS અધિકારી 
• પૂર્વ RAW ચીફ તરીકે રાજીન્દર ખન્નાની હતી જવાબદારી

ડેપ્યુટી NSA રાજીન્દર ખન્નાને એડિશનલ નેશનલ સિક્યોરિટી એડવાઈઝરના પદ પર બઢતી આપવામાં આવી છે. વધારાના NSAના પદ પર નિયુક્ત થનાર તેઓ પ્રથમ વ્યક્તિ છે. ખન્ના પાકિસ્તાન અને ઈસ્લામિક આતંકવાદના નિષ્ણાત તરીકે ઓળખાય છે.

રાજીન્દર ખન્નાને એડિશનલ NSA તરીકે નિયુક્ત કર્યા

ભારત સરકારે મંગળવારે ગુપ્તચર એજન્સી રિસર્ચ એન્ડ એનાલિસિસ વિંગ (R&AW) ના ભૂતપૂર્વ વડા રાજીન્દર ખન્નાને વધારાના રાષ્ટ્રીય સુરક્ષા સલાહકાર (NSA) તરીકે નિયુક્ત કર્યા છે. રાજીન્દર ખન્નાને ડેપ્યુટી નેશનલ સિક્યોરિટી એડવાઈઝર (NSA)ના પદ પરથી બઢતી આપવામાં આવી છે અને આ નવી જવાબદારી સોંપવામાં આવી છે.

સરકારી સૂત્રોના જણાવ્યા અનુસાર, આ પહેલીવાર છે જ્યારે કોઈને એડિશનલ NSAના પદ પર નિયુક્ત કરવામાં આવ્યા છે. વધારાના NSA ની પોસ્ટ હંમેશા અસ્તિત્વમાં હતી, પરંતુ અત્યાર સુધી ખાલી હતી. રાજિન્દર ખન્ના પાકિસ્તાન અને આતંકવાદના નિષ્ણાત તરીકે ઓળખાય છે. તેમણે ભૂતપૂર્વ RAW ચીફ તરીકેના કાર્યકાળ દરમિયાન ઓપરેશન્સ ડેસ્કનું પણ નેતૃત્વ કર્યું હતું.

ખન્ના 1978 બેચના IPS અધિકારી 

નવા અધિક રાષ્ટ્રીય સુરક્ષા સલાહકાર (NSA) રાજીન્દર ખન્ના ઓડિશા કેડરના 1978 બેચના IPS અધિકારી છે. તેમણે ડિસેમ્બર 2014થી ડિસેમ્બર 2016 સુધી રિસર્ચ એન્ડ એનાલિસિસ વિંગ (RAW)ના વડા તરીકે સેવા આપી હતી. આ ભૂમિકા પહેલા, તેઓ એજન્સીમાં ઓપરેશન ડેસ્કનો હવાલો સંભાળતા હતા અને પાકિસ્તાન અને આતંકવાદ વિરોધી તેમની કુશળતા માટે જાણીતા છે.

રાજીન્દર ખન્નાની જાન્યુઆરી 2018માં ડેપ્યુટી NSA તરીકે નિમણૂક

રાજીન્દર ખન્નાની જાન્યુઆરી 2018માં ડેપ્યુટી NSA તરીકે નિમણૂક કરવામાં આવ્યા હતા. ખન્ના અગાઉ ટેક્નોલોજી એન્ડ ઈન્ટેલિજન્સ (T&I) વિભાગના વડા પણ રહી ચૂક્યા છે. તેમણે નેશનલ સિક્યુરિટી કાઉન્સિલ સચિવાલયમાં ઓફિસર ઓન સ્પેશિયલ ડ્યુટી તરીકે પણ સેવા આપી છે, જે પાકિસ્તાન, શ્રીલંકા, બાંગ્લાદેશ અને નેપાળ સહિતના પડોશી દેશો માટે નીતિ દસ્તાવેજો તૈયાર કરે છે.