- ઈસરોનો હેતું માણસને પૃથ્વીની સૌથી નીચલી કક્ષાએ મોકલવાનું
- 400 કિમી સુધીના પોઈન્ટ નક્કી કરી દેવામાં આવ્યા છે
- ત્રણ દિવસ સુધી અવકાશયાત્રી અવકાશમાં રહી શકે એ લક્ષ્યાંક
ઈન્ડિયન સ્પેસ રિસર્ચ ઓર્ગેનાઈઝેશન (ઈસરો)ના અધ્યક્ષ એસ સોમનાથે શનિવારે ગગનયાન મિશન સંબંધિત ટ્રાયલને લઈને એક સારા સમાચાર આપ્યા છે. ઈસરોના ચીફે કહ્યું કે, ક્રૂ મોડ્યુલને સમુદ્રમાંથી સંપૂર્ણ રીતે રિકવર કરી લેવામાં આવ્યું છે. પ્રોજેક્ટમાં કોઈ જ ભૂલ થઈ નથી. તમામ ડેટા સાચો લાગી રહ્યો છે. ઈસરોની યોજના ગગનયાન મિશન દ્વારા પ્રથમ વખત મનુષ્યને અવકાશમાં મોકલવાની છે. આ મિશન આવતા વર્ષે શરૂ કરવામાં આવશે. હાલમાં, આ અંગે પરીક્ષણ ચાલી રહ્યું છે.
બધુ ટાઈમટેબલ અનુસાર થયું
આ શ્રેણીમાં, ગગનયાન મિશનના ક્રૂ મોડ્યુલ (CM) અને ક્રૂ એસ્કેપ સિસ્ટમ (CES) નું પરીક્ષણ પૂર્વ-નિર્ધારિત સમયપત્રક મુજબ આજે થયું. બંગાળની ખાડીમાં બંને મોડ્યુલને સચોટ અને સફળ રીતે છોડવામાં સફળ થવા બદલ ઈસરોના વૈજ્ઞાનિકો ખુશ છે. ઈસરોના ચીફ એસ સોમનાથે આ અંગે જણાવ્યું હતું કે મિશન-20 પરીક્ષણોની શ્રેણી હાથ ધરવામાં આવનાર છે. હાથ ધરવામાં આવેલ પરીક્ષણ ક્રૂ એસ્કેપ સિસ્ટમ માટે હતું. ક્રૂ મોડ્યુલ એ જગ્યા છે જ્યાં ગગનયાન મિશન દરમિયાન અવકાશયાત્રીઓને પૃથ્વી જેવા દબાણયુક્ત વાતાવરણમાં મૂકવામાં આવશે. સફળતા પછી, ઈસરો ચીફ એસ સોમનાથ શનિવારે સાંજે મીડિયા સામે આવ્યા અને કહ્યું કે ક્રૂ મોડ્યુલ સમુદ્રમાંથી સંપૂર્ણ રીતે બહાર આવી ગયું છે.
નિષ્ણાંતોની ટીમ ખુશખુશાલ
TV-D1 માટેનું ક્રૂ મોડ્યુલ પ્રેશર ફ્રી વર્ઝન હતું. એસ. સોમનાથે કહ્યું, 'ટીવી-ડી1 મિશનની સફળતાની જાહેરાત કરતાં હું ખૂબ જ ખુશ છું. મિશનનો ઉદ્દેશ ટેસ્ટબેડ નિદર્શન દ્વારા ગગનયાન મિશન માટે ક્રૂ રેસ્ક્યુ સિસ્ટમનું નિદર્શન કરવાનો છે. આ દરમિયાન વાહન 'માચ' અને તેનાથી પણ વધુ ઝડપે આગળ વધ્યું. આ અવાજની ગતિ છે. મિશન નિષ્ફળતાના કિસ્સામાં CES ની કામગીરી દર્શાવવામાં આવી હતી.
