- ગિરિરાજ સિંહે ઓવૈસીવને લઇ આપી પ્રતિક્રિયા
- ઓવૈસી એ જિન્નાહની કાર્બન કોપી છે
- દેશમાં ભાગલા પાડવાનું કરે છે કામ
બિહારના બેગુસરાયમાં કેન્દ્રીય મંત્રી ગિરિરાજ સિંહે ગુજરાતમાં પ્રથમ તબક્કાના મતદાન અંગે કહ્યું કે જ્યારે પણ લોકોએ મોદીને ગાળો આપી ત્યારે જનતાએ વોટથી જવાબ આપ્યો અને આ વખતે ગુજરાતમાં ભાજપ બે તૃતિયાંશ બેઠકો જીતશે. આ સિવાય ઓલ ઈન્ડિયા મુસ્લિમ પર્સનલ લો બોર્ડના પ્રમુખ અસદુદ્દીન ઓવૈસી પર પ્રહાર કરતા તેમને જિન્નાહની કાર્બન કોપી ગણાવ્યા છે.
બેગુસરાય પહોંચેલા ગિરિરાજ સિંહે કહ્યું કે ગુજરાતમાં આજે ચૂંટણી યોજાઈ રહી છે. હું દ્રઢપણે માનું છું કે આ વખતે ગુજરાતની જનતા નરેન્દ્ર મોદીને બે તૃતિયાંશ મતોથી જીતાડવાનું કામ કરશે. જેટલા અપશબ્દો લોકોએ મોદીને કહ્યા છે, રાવણે કહ્યા, મોતના સોદાગર કહ્યા, કંસ કહ્યા, તમામ અપશબ્દોનો જવાબ ગુજરાતની જનતા મોદીની તરફેણમાં મતદાન કરીને આપશે અને બે તૃતીયાંશ સાથે સરકાર બનાવશે. તેમણે કહ્યું કે વડાપ્રધાનને ગાળો ભાંડનારાઓ માટે આજ અસલી જવાબ હશે.
ગિરિરાજ સિંહે કહ્યું કે ઓવૈસી કોઈની બી ટીમ નથી. ઓવૈસી એ જિન્નાહની કાર્બન કોપી છે, તેમના તમામ નિવેદનો પર નજર કરીએ તો સમાજમાં ઝેર વાવવા સિવાય, સમાજને તોડવા સિવાય, હિન્દુ-મુસ્લિમમાં ખાઈ ઉભી કરવા સિવાય તેમના નિવેદનો કંઈ અલગ નથી. તેઓ જિન્નાહની જેમ સમગ્ર દેશમાં ભાગલા પાડીને ઈસ્લામિક રાજ્ય બનાવવાનું કાવતરું કરી રહ્યા છે. કેન્દ્રીય મંત્રીએ કહ્યું કે ઓવૈસી દેશના દરેક રાજ્યમાં બીજ વાવી રહ્યા છે, તે બિહારમાં પણ બીજ વાવી રહ્યા છે અને તે દેશ માટે ખતરનાક છે.
ગિરિરાજ સિંહે ઓવૈસી પર આરોપ લગાવ્યો હતો કે તેઓ આવા કામો માત્ર લઘુમતીઓના ફાયદા માટે કરે છે. તેમની વિચારસરણી લઘુમતીનો મત લઈને શાસન કરવાની છે, પછી ભલે આપણે કોઈની સાથે સમાધાન કરવું પડે. દેશની રાજનીતિ માટે આ એક ખતરનાક ષડયંત્ર છે. જે દિવસે ભારતની અંદર બહુમતીની વસ્તી ઘટશે તે દિવસે ભારતમાં સામાજિક સમરસતા અને લોકશાહી બંને જોખમમાં આવશે અને લોકોએ આજે નહીં તો કાલે તેના વિશે વિચારવું પડશે. બહુમતીએ એક થઈને સનાતની સાથે ઊભા રહેવું પડશે.
