- મહારાષ્ટ્રમાં પીએમ મોદી કર્યું 511 કૌશલ્ય વિકાસ કેન્દ્રોનું ઉદ્ઘાટન
- મહારાષ્ટ્રમાં ગ્લોબલ જોબ્સ માટે તૈયાર થઈ રહ્યું છે લોકલ યૂથ
- મહિલા સશક્તિકરણ કાર્યક્રમ હેઠળ 3 કરોડથી વધુ મહિલાઓને તાલીમ
આજે ગુરુવારે વડાપ્રધાન મોદી મહારાષ્ટ્રમાં 511 પ્રમોદ મહાજન ગ્રામીણ કૌશલ્ય વિકાસ કેન્દ્રોનું વિડીયો કોન્ફરન્સિંગ દ્વારા ઉદ્ઘાટન કર્યું હતું. મહારાષ્ટ્રના 34 ગ્રામીણ જિલ્લાઓમાં સ્થપાયેલા આ કેન્દ્રો ગ્રામીણ યુવાનોને રોજગારીની તકો પૂરી પાડવા માટે વિવિધ ક્ષેત્રોમાં કૌશલ્ય વિકાસ તાલીમ કાર્યક્રમો યોજશે. કાર્યક્રમમાં પીએમ મોદીએ મહત્વનું નિવેદન આપતા જણાવ્યું છે કે દુનિયાભરમાં ભારતના કુશળ યુવાનોની માંગ વધી રહી છે.
ઘણા દેશોની જનસંખ્યામાં વધતાં Age પ્રોફાઇલનો ઉલ્લેખ કરતા, વડાપ્રધાને એક રિસર્ચનો ઉલ્લેખ કર્યો હતો જેમાં કહેવાયું છે કે 16 દેશોએ લગભગ 40 લાખ કુશળ યુવાનોને રોજગાર આપવાનું આયોજન કર્યું છે. પીએમ મોદીએ કહ્યું હતું કે ભારત દુનિયાભર માટે સ્કિલ્ડ પ્રોફેશનલ્સ તૈયાર કરી રહયું છે.
પીએમ મોદીએ વધુમાં ઉમેર્યું હતું કે મહારાષ્ટ્રનું સ્કિલ સેન્ટર ગ્લોબલ જોબ્સ માટે લોકલ યૂથ તૈયાર કરી રહ્યું છે અને બાંધકામ, આધુનિક ખેતી, મીડિયા અને મનોરંજન તેમજ ઇલેક્ટ્રોનિક્સમાં પોતાનું કૌશલ્ય પ્રદાન કરશે.
વડાપ્રધાને ભાષાઓના અર્થઘટન માટે AI સાધનોનો ઉપયોગ કરીને મૂળભૂત બેઝિક ફોરેન લેંગ્વેજ ભાષા કૌશલ્ય જેવી નરમ કૌશલ્યોની તાલીમ આપવાની જરૂરિયાત પર પણ ભાર મૂક્યો હતો જે યુવાનોને રિક્રુટર્સ માટે વધુ આકર્ષક બનાવશે.
પીએમ મોદીએ વધુમાં સૂચન કર્યું હતું કે અગાઉની સરકારોમાં સ્કિલ ડેવલપમેન્ટ પ્રત્યે દૂરંદેશી અને ગંભીરતાનો અભાવ હતો જેના પરિણામે કૌશલ્યના અભાવે લાખો યુવાનોને રોજગારીની ઓછી તકો મળી હતી.
પીએમ મોદી ભારપૂર્વક જણાવ્યું કે હાલની કેન્દ્ર સરકાર સ્કિલ ડેવલપમેન્ટની જરૂરિયાતોને સમજે છે અને તેના માટે પોતાના બજેટમાં ફાળવણી અને બહુવિધ યોજનાઓ સાથે તેને સમર્પિત એક અલગ મંત્રાલય બનાવ્યું છે.
વડાપ્રધાન મોદી વધુમાં માહિતી આપી હતી કે કૌશલ વિકાસ યોજના હેઠળ 1 કરોડ 30 લાખથી વધુ યુવાનોને બહુવિધ વિશિષ્ટતાઓ હેઠળ તાલીમ આપવામાં આવી છે, જ્યારે સમગ્ર દેશમાં સેંકડોથી વધુ પ્રધાનમંત્રી કૌશલ કેન્દ્રોની સ્થાપના કરવામાં આવી છે. વડાપ્રધાન મોદીએ સામાજિક ન્યાયને પ્રોત્સાહન આપવામાં કૌશલ્ય વિકાસ પહેલોના યોગદાન પર ભાર મૂક્યો હતો.
પીએમ મોદીએ બાબાસાહેબ આંબેડકરના તત્વજ્ઞાનનો ઉલ્લેખ કર્યો જેમાં દલિતો, પછાત અને આદિવાસીઓના ઉત્થાન માટે ઔદ્યોગિકીકરણ પર ધ્યાન કેન્દ્રિત કર્યું હતું કારણ કે તેમની પાસે જમીનની માલિકી ઓછી હતો. ભૂતકાળમાં કૌશલ્યના અભાવને કારણે આ વર્ગો ગુણવત્તાયુક્ત નોકરીઓ મેળવવાની તકથી વંચિત રહ્યા હતા. તેમણે જણાવ્યું કે સરકારની કૌશલ્ય વિકાસ પહેલનો સૌથી વધુ લાભ ગરીબ, દલિત, પછાત અને આદિવાસી પરિવારોને મળી રહ્યો છે.
સાવિત્રીબાઈ ફુલેના યોગદાનને યાદ કરતા પ્રધાનમંત્રીએ પુનરોચ્ચાર કર્યો હતો કે જ્યારે મહિલાઓના શિક્ષણની વાત આવે ત્યારે સમાજના બંધનોને તોડવામાં જ્ઞાન અને કૌશલ્ય ધરાવતા લોકો જ સમાજમાં સકારાત્મક પરિવર્તન લાવી શકે છે. પીએમ મોદી ભારપૂર્વક જણાવ્યું હતું કે સાવિત્રી બાઈ ફુલે સરકાર દ્વારા મહિલા શિક્ષણ અને તાલીમ પર જે ભાર મૂકવામાં આવ્યો છે તેની પ્રેરણા છે.
વડાપ્રધાન મોદીએ મહિલાઓને તાલીમ આપતા સ્વ-સહાય જૂથોનો ઉલ્લેખ કરતાં માહિતી આપી હતી કે મહિલા સશક્તિકરણ કાર્યક્રમ હેઠળ 3 કરોડથી વધુ મહિલાઓને વિશેષ તાલીમ આપવામાં આવી છે. તેમણે મહિલાઓને કૃષિ ક્ષેત્રો અને અન્ય ક્ષેત્રોમાં ડ્રોનનો ઉપયોગ કરવા પ્રોત્સાહિત કરવા તાલીમ આપવા પર પણ ભાર મૂક્યો હતો.
