- કોર્ટે મોકલ્યું હતું ASIના વૈજ્ઞાનિકોને હાજર કર્યો હતો આદેશ
- પરવાનગી મળે તો 31 જુલાઇ સુધીમાં સર્વે પૂર્ણ થશે: ASI
- સર્વે કરવા માટેની રીત અંગે ડેમો જોવા માંગે છે હાઈકોર્ટ
જ્ઞાનવાપી સર્વે પર લગાવવામાં આવેલ સ્ટેને આવતીકાલ સુધી વધારી દેવામાં આવી છે. શુક્રવારે બપોરે સાડા ત્રણ વાગે ફરીથી અલ્હાબાદ હાઇકોર્ટ આ મામલે વધુ સુનાવણી હાથ ધરશે. જ્ઞાનવાપી પરિસરમાં સર્વેને લઈને ચાલતા કેસમાં અંજુમન એરેન્જમેન્ટ કમિટીએ કરેલી અરજીની સુનાવણી દરમિયાન ચીફ જસ્ટિસ પ્રિતીંકર દિવાકરે ASI વૈજ્ઞાનિકને આજે સાંજે 4.30 વાગ્યે હાજર થવા સમન્સ પાઠવ્યા હતા.
ASI વતી વૈજ્ઞાનિક આલોક ત્રિપાઠી કોર્ટમાં હાજર થયા હતા. તેમણે કોર્ટને જણાવ્યું કે GPR પદ્ધતિ અને ફોટોગ્રાફી પદ્ધતિથી કેવી રીતે સર્વે થશે. આ સાથે ASI વૈજ્ઞાનિકોએ જણાવ્યું કે વૈજ્ઞાનિક સર્વેક્ષણથી મૂળ બંધારણને કોઈ નુકસાન નહિ થાય. દરમિયાન કોર્ટે ASIને પૂછ્યું કે કેટલા સર્વે થયા છે? તમે સર્વે ક્યારે પૂર્ણ કરશો? તેના પર ASIએ કહ્યું કે જો પરવાનગી મળશે તો 31 જુલાઈ સુધીમાં સર્વે પૂર્ણ થઈ જશે.
કોર્ટ ASI પાસે સ્પષ્ટ કરવા માંગે છે કે શું સર્વે દરમિયાન કોઈ નુકસાન થઈ શકે છે. કોર્ટ આ મામલે ASI પાસેથી જાણવા માંગે છે કે ASI કઈ પદ્ધતિ દ્વારા સર્વે કરી રહ્યું છે. કોર્ટ સર્વે સિસ્ટમનો ડેમો પણ જોશે.
આ પહેલા, સુનાવણી દરમિયાન મસ્જિદ પક્ષ વતી કહેવામાં આવ્યું હતું કે સર્વેથી સંરચનાને નુકસાન થઈ શકે છે. જિલ્લા ન્યાયાધીશને સર્વે કરાવવાનો અધિકાર નથી. આ હુકમ ખોટો છે. જેના જવાબમાં મંદિર પક્ષે જવાબ આપ્યો હતો કે સર્વે બાદ જ મંદિરના સ્ટ્રક્ચરને યોગ્ય રીતે જાણી શકાશે. ASI બે ટેકનિક દ્વારા સર્વે કરી રહી છે. જેમાં ફોટોગ્રાફી, ઇમેજિંગ કરશે. કોઈ નુકસાન નહિ થાય. તેના પર કોર્ટે સર્વેનો ડેમો જાણવા માંગ્યો હતો અને સર્વેમાં રોકાયેલા ASIના વૈજ્ઞાનિકને સાંજે 4.30 વાગ્યે બોલાવ્યા હતા.
અગાઉની સુનાવણી દરમિયાન, હિન્દુ પક્ષના વકીલે કહ્યું હતું કે વૈજ્ઞાનિક સર્વેક્ષણથી સ્થાપિત માળખાને કોઈ નુકસાન નહિ થાય. મુસ્લિમ પક્ષે દલીલ કરી હતી કે નુકસાન નહીં થાય તેની ગેરંટી કોણ લેશે. 1992ના અયોધ્યા ધ્વંસનો અનુભવ ભૂલી શકાય તેમ નથી.
જ્ઞાનવાપી કેસની સુનાવણી માટે મુખ્ય ન્યાયાધીશની કોર્ટમાં મોટી સંખ્યામાં વકીલો હાજર છે. આજે સાંજ સુધીમાં આ મામલે નિર્ણય આવી શકે છે. મુસ્લિમ પક્ષનો આરોપ છે કે નીચલી અદાલતે તેના આદેશમાં વૈજ્ઞાનિક સર્વેક્ષણ માટે કોઈ તાર્કિક કારણ દર્શાવ્યું નથી. નીચલી અદાલતે તેના આદેશમાં કયા સંજોગોમાં વૈજ્ઞાનિક સર્વેક્ષણ ફરજિયાત છે તેનો ઉલ્લેખ પણ કર્યો નથી.
મુસ્લિમ પક્ષે કહ્યું કે કાશી વિશ્વનાથ ટ્રસ્ટ અને ઇંતજામિયા સમિતિ વચ્ચે કોઈ વિવાદ નથી, તેથી વાદીનો દાવો દાખલ કરવાનો કોઈ કાયદેસર અધિકાર નથી. સિવિલ સુટની જાળવણી પર સવાલ ઉઠાવ્યા. મુસ્લિમ પક્ષની દલીલ ચાલુ છે. મુસ્લિમ પક્ષના અન્ય એક વકીલ પુનીત ગુપ્તા પણ દલીલ કરી રહ્યા છે. મુસ્લિમ પક્ષ તરફથી દલીલ કરતા એડવોકેટ પુનીત ગુપ્તાએ કહ્યું કે સિવિલ સુટમાં પુરાવાની પ્રક્રિયા પૂર્ણ કર્યા વિના વૈજ્ઞાનિક સર્વેક્ષણ કરવું ખોટું છે. સિવિલ સુટમાં આ તબક્કે વૈજ્ઞાનિક સર્વેનો ઉતાવળમાં આદેશ આપવામાં આવ્યો છે.
હાઈકોર્ટે કેન્દ્ર સરકારના વકીલને પૂછ્યું કે, ASI શું કરવા જઈ રહ્યા છે?
હાઈકોર્ટે કેન્દ્ર સરકારના સોલિસિટર જનરલને સવાલ કર્યો હતો કે ASI જ્ઞાનવાપીમાં શું કરશે અને શા માટે તેઓ ત્યાં જઈ રહ્યા છે. કોર્ટે આ પ્રશ્ન સોલિસિટર જનરલ શશિ પ્રકાશ સિંહને પૂછ્યો હતો. કોર્ટે પૂછ્યું કે ASI સર્વે કેવી રીતે કરશે. ખોદકામ કરવામાં આવશે કે નહીં?
1993 સુધી થતી હતી વિવાદિત સ્થળમાં પૂજા: હિન્દુ પક્ષના વકીલનો દાવો
હિન્દુ પક્ષના વકીલ વિષ્ણુ શંકરે દલીલ કરી હતી કે નવેમ્બર 1993 સુધી વિવાદિત સ્થળ પર પૂજા કરવામાં આવી હતી. મા શૃંગાર ગૌરી, હનુમાનજી, ભગવાન ગણેશ અને ભગવાન શિવની પૂજા કરવામાં આવે છે. વિવાદિત સ્થળ પર પરિક્રમા થઈ રહી છે. હિંદુ પક્ષે એવો પણ દાવો કર્યો હતો કે ઔરંગઝેબે મંદિરનો નાશ કર્યો હતો. સુનાવણી દરમિયાન અલ્હાબાદ હાઈકોર્ટે કેન્દ્ર સરકારના સોલિસિટર જનરલને પૂછ્યું કે GPR પદ્ધતિ શું છે. વૈજ્ઞાનિક સર્વે કેવી રીતે થશે? કોર્ટે સોલિસિટર જનરલને પૂછ્યું કે ભારતીય પુરાતત્વ સર્વેક્ષણ (ASI)ના કેટલા વૈજ્ઞાનિકો કેટલા સમયમાં કોર્ટમાં હાજર થઈ શકે છે.
