Hemant Soren Oath Ceremony: હેમંત સોરેનએ મુખ્યમંત્રી પદના શપથ લીધા

હેમંત સોરેનએ ઝારખંડના 14મા મુખ્યમંત્રી પદના શપથ લીધા. વિધાનસભા ચૂંટણીમાં પ્રચંડ જીત નોંધાવ્યા બાદ હેમંત સોરેનએ મુખ્યમંત્રી પદના શપથ લીધા છે.

હેમંત સોરેનએ ચોથી વખત રાજ્યનો હવાલો સંભાળ્યો. લોકસભામાં વિપક્ષના નેતા રાહુલ ગાંધી, કોંગ્રેસ અધ્યક્ષ મલ્લિકાર્જુન ખડગે, બંગાળના સીએમ મમતા બેનર્જી, કર્ણાટકના ડેપ્યુટી સીએમ ડીકે શિવકુમાર અને ઈન્ડિયા બ્લોકના અન્ય નેતાઓ સોરેનના શપથ ગ્રહણ સમારોહમાં હાજરી આપવા માટે સ્ટેજ પર પહોંચ્યા છે.

ઝારખંડ મુક્તિ મોરચા (JMM)ની આગેવાની હેઠળના ઈન્ડિયા બ્લોકને ઝારખંડ વિધાનસભા ચૂંટણીમાં મોટી જીત મળી છે. ચૂંટણીના પરિણામો આવ્યાને પાંચ દિવસ થઈ ગયા છે અને ઝારખંડને હવે નવી સરકાર મળી છે. રાજ્યપાલ સંતોષ ગંગવારે હેમંત સોરેનને ઝારખંડના મુખ્યમંત્રી તરીકે નિયુક્ત કર્યા છે. હેમંત સોરેને રાંચીના મોરહાબડી ગ્રાઉન્ડ ખાતે આયોજિત ભવ્ય કાર્યક્રમમાં ઝારખંડના 14મા મુખ્યમંત્રી તરીકે પદ અને ગુપ્તતાના શપથ લીધા.

રાજ્યપાલ સંતોષ ગંગવારે હેમંત સોરેનને પદ અને ગુપ્તતાના શપથ લેવડાવ્યા હતા. હેમંત ચોથી વખત ઝારખંડના મુખ્યમંત્રી બન્યા છે. મુખ્યમંત્રીની સાથે છથી આઠ મંત્રીઓ પણ શપથ લેશે તેવી ચર્ચા હતી પરંતુ તેમ થયું નહીં. રાંચીના મોરહબાદી મેદાનમાં સીએમ સાથે મંત્રીએ શપથ લીધા. હેમંતના શપથ ગ્રહણમાં તેમના પિતા અને ત્રણ વખતના પૂર્વ મુખ્યમંત્રી શિબુ સોરેન પણ હાજર હતા.

હેમંત સરકારના ગઠન પ્રસંગે ઈન્ડિયા બ્લોકના નેતાઓ પણ પહોંચ્યા અને પોતાની તાકાત બતાવી. કોંગ્રેસ અધ્યક્ષ મલ્લિકાર્જુન ખડગે, લોકસભામાં વિપક્ષના નેતા રાહુલ ગાંધી, પશ્ચિમ બંગાળના મુખ્યમંત્રી મમતા બેનર્જી, બિહાર વિધાનસભામાં વિપક્ષના નેતા તેજસ્વી યાદવ, યુપીના પૂર્વ મુખ્યમંત્રી અખિલેશ યાદવ પણ હાજર હતા.

ઝારખંડ વિધાનસભા ચૂંટણીના પરિણામો 23 નવેમ્બરના રોજ આવ્યા હતા. ચૂંટણીમાં ઝારખંડ મુક્તિ મોરચા (JMM)ના નેતૃત્વ હેઠળના ઈન્ડિયા બ્લોકે 56 બેઠકો જીતી હતી. પરિણામો આવ્યાના બીજા જ દિવસે, હેમંત સોરેન રાજ્યપાલને મળ્યા અને સરકાર બનાવવાનો દાવો કર્યો.