- હિમાચલમાં કુદરત કોપાયમાન
- હિમાચલમાં 3.2ની તીવ્રતાનો ભૂકંપ આવ્યો
- ભારે વરસાદ અને વાદળ ફાટવાની ઘટના વચ્ચે વધુ એક આફત
હિમાચલના અનેક રાજ્યોમાં ભારે વરસાદને કારણે તબાહી જોવા મળી રહી છે. હિમાચલ પ્રદેશમાં ઓછામાં ઓછા 5 સ્થળોએ વાદળ ફાટવાને કારણે છેલ્લા 24 કલાકમાં 6 લોકોના મોત થયા છે અને 50 લોકો ગુમ થયા હોવાનું સામે આવ્યુ છે. આટલુ ઓછુ હોય તેમ હવે હિમાચલમાં ભૂકંપના ઝટકા અનુભવાયા. લાહૌલ સ્પીતિમાં 3.2ની તીવ્રતાનો અનુભવાયો ભૂકંપ અનુભવાયો.
શિમલામાં એક ગામ આખુ તણાયું
શિમલાના રામપુરમાં સમેજ નામનું આખું ગામ પૂરમાં વહી ગયું છે. અહીંના 99 ટકા ઘરો ધોવાઈ ગયા છે અને માત્ર 2-4 જ બચ્યા છે. આ ગામમાં 18 મહિલાઓ અને 7 બાળકો સહિત કુલ 36 લોકો ગુમ છે. નેશનલ ડિઝાસ્ટર રિસ્પોન્સ ફોર્સ (NDRF) એ અહીં બચાવ કાર્ય સમાપ્ત કરી દીધું છે અને હવે સર્ચ ઓપરેશન ચાલુ છે. ગામ નજીક આવેલ નાળામાં અચાનક પુર આવતા આવી સ્થિતિ સર્જાઈ છે.
હિમાચલના 2 જિલ્લામાં આજે શાળાઓ બંધ
ભારે વરસાદને કારણે મંડી અને કુલ્લુમાં આજે શાળાઓ બંધ રાખવામાં આવી છે. મંડીના પધરના રામબન ગામમાં 11 લોકો પાણીમાં વહી ગયા છે જેમાંથી 3ના મૃતદેહ મળી આવ્યા છે.
કુલ્લુના આનીના બાગીપુલમાં એક જ પરિવારના 5 સભ્યો પણ પૂરના પાણીમાં વહી ગયા છે. અધિકારીઓએ જણાવ્યું કે જિલ્લા ડિઝાસ્ટર મેનેજમેન્ટ ઓથોરિટી, જિલ્લા વહીવટીતંત્ર, પોલીસ સહિત તમામ વિભાગો બચાવ કાર્યમાં લાગેલા છે અને લગભગ 85 કિલોમીટરના વિસ્તારમાં ઓપરેશન ચલાવવામાં આવી રહ્યું છે.
[[$googlead]]
