- લોકસભા ચૂંટણી 2024ને લઇ ભાજપની તડામાર તૈયારી
- જગદગુરુ રામભદ્રાચાર્યએ લોકસભા ચૂંટણીને લઈ નિવેદન
- આ લોકસભા ચૂંટણીમાં ભાજપને 370 સીટો મળશે: રામભદ્રાચાર્ય
ભારતીય જનતા પાર્ટીએ લોકસભા ચૂંટણી 2024માં 400ને પારને લઇ તૈયારીઓ તેજ કરી છે. તેવામાં જગદગુરુ રામભદ્રાચાર્યએ લોકસભા ચૂંટણીને લઈને ભવિષ્યવાણી કરી છે. જગદગુરુ રામભદ્રાચાર્યએ કહ્યું કે, આ લોકસભા ચૂંટણીમાં ભાજપને 370 સીટો મળશે.
ચૂંટણી પંચ આગામી સપ્તાહે લોકસભા ચૂંટણીની જાહેરાત કરી શકે છે. ભાજપ અને કોંગ્રેસે પણ લોકસભા ચૂંટણી માટે તેમની પ્રથમ યાદી જાહેર કરી દીધી છે. આ ચૂંટણીને લઈને કેટલીક સંસ્થાઓના ઓપિનિયન પોલ બહાર આવ્યા છે. જગદગુરુ રામભદ્રાચાર્યએ લોકસભા ચૂંટણીને લઈને ભવિષ્યવાણી કરી છે. જગદગુરુ રામભદ્રાચાર્યને તાજેતરમાં જ જ્ઞાનપીઠ એવોર્ડ મળ્યો છે. જગદગુરુ રામભદ્રાચાર્યને જ્ઞાનપીઠ પુરસ્કાર મળ્યા પછી, રામભદ્રાચાર્ય મૈહરમાં શારદા દેવીના મંદિરે પહોંચ્યા. જગદગુરુ રામભદ્રાચાર્યએ રામ મંદિરના સ્વપ્નને સાકાર થવા પર ખુશી વ્યક્ત કરી હતી. તેમણે કહ્યું કે જે લોકો સનાતન ધર્મની વિરુદ્ધ છે તેઓ રામ મંદિરને લઈને દુઃખી છે. રામ મંદિરમાં રામલલા હાજર રહે તે કરોડો ભક્તોનું સપનું હતું. આનાથી તમામ ભારતીયો ખુશ થયા છે.
લોકસભા ચૂંટણીમાં ભાજપને કેટલી સીટો મળશે?
જ્યારે આ સવાલ પૂછવામાં આવ્યો ત્યારે જગદગુરુ રામભદ્રાચાર્યએ દાવો કર્યો કે આ વખતે ભાજપને 370થી વધુ સીટો મળશે. 3 નવેમ્બર, 2023ના રોજ જગદગુરુ રામભદ્રાચાર્યએ ભવિષ્યવાણી કરી હતી કે નરેન્દ્ર મોદી ત્રીજી વખત વડાપ્રધાન બનશે. પૂછવામાં આવ્યું કે શું રાહુલ ગાંધીની ભારત જોડો ન્યાય યાત્રાની આગામી લોકસભા ચૂંટણી પર કોઈ અસર પડશે? તેમણે સ્પષ્ટ કહ્યું કે કોઈ અસર નહીં થાય.
લોકસભા ચૂંટણી 2024 માટે ભાજપે પ્રથમ યાદીમાં 195 ઉમેદવારોના નામ જાહેર કર્યા છે, જ્યારે કોંગ્રેસે તેની પ્રથમ યાદીમાં 39 ઉમેદવારોના નામ જાહેર કર્યા છે. ભાજપે આ ચૂંટણીમાં 370 સીટો મેળવવાનો લક્ષ્યાંક રાખ્યો છે, જ્યારે NDAએ 400ને પાર કરવાનો નારો આપ્યો છે. બીજી તરફ સૂત્રોનું કહેવું છે કે ચૂંટણી પંચ ગુરુવાર અથવા શુક્રવારે ચૂંટણીની તારીખો જાહેર કરી શકે છે.
