Ice cream: મુંબઈમાં આઈસક્રીમની અંદર આંગળી મળવાને લઈ તપાસનો ધમધમાટ,રિપોર્ટથી થશે ખુલાસો

• જે શખ્સની આંગળી કપાઈ હતી તેનું મેડિકલ કરવામાં આવ્યું
  
• લોહીના નમૂનાને લેબમાં મોકલાયો, રિપોર્ટ આવવાનો બાકી
• કપાયેલી આંગળીથી 100 આઈસક્રીમમાં ઈન્ફેક્શન ફેલાયું

મહારાષ્ટ્રના મુંબઈમાં 13 જૂને આઈસક્રીમમાં કપાયેલી માનવ આંગળી મળવાનો મામલો સામે આવ્યો હતો. આ કેસની પોલીસે તપાસ શરૂ કરી છે. આ દરમિયાન મલાડ પોલીસે એક અને જાણકારી આપી છે. પોલીસે જણાવ્યું કે જે કર્મચારીની આંગળી કપાઈ હતી તેના લોહીનું સેમ્પલ લેવામાં આવ્યું છે. તેની મેડિકલ તપાસ પણ કરવામાં આવી છે. એ જાણવા માટે કે તેને કોઈ ગંભીર બીમારી તો નથી. જો તેનું લોહી આંગળી કપાવા દરમિયાન આઈસક્રીમ પર પડયું હશે તો તો તેનાથી 100થી વધુ આઈસક્રીમ દૂષિત થઈ હશે. કર્મચારીને જો કોઈ ગંભીર બીમારી હશે તો આનાથી 100થી વધુ આઈસક્રીમ ખાનાર લોકોને પણ ખતરો થઈ શકે છે.

મુંબઈના મલાડ વિસ્તારમાં 13મી જૂન ગુરુવારે એક મહિલાએ ઓનલાઈન એપથી ખાવા માટે ત્રણ આઈસક્રીમનો ઓર્ડર આપ્યો હતો. ડિલિવરી થતા મહિલાએ આઈસક્રીમનું પેકિંગ ખોલ્યું અને તેને ખાવાની તૈયારી કરતી હતી. તેને આઈસક્રીમમાં માનવ આંગળી નજરે પડી. આ જોતા જ મહિલા ચોંકી ગઈ અને તેના મોંમાંથી ચીખ નીકળી ગઈ હતી. તેને ગભરાતા પહેલા તો આઈસક્રીમ મૂકી દીધી બાદમાં તેને લાગ્યું કે તેની સાથે છેતરપિંડી થઈ છે. પરંતુ તેને ફરીથી આઈસક્રીમ જોઈ તો જાણવા મળ્યું કે ખરેખર બે સેન્ટિમિટર જેટલી માનવ આંગળી જ હતી.

 ખાનગી કંપનીની આઈસક્રીમ

મહિલાએ તરત આની જાણકારી પોતાના ઘરે આપી અને પછી મલાડ પોલીસ સ્ટેશનમાં આ અંગેની સૂચના આપી. જેથી પોલીસે ઘટનાસ્થળે જઈ માનવ આંગળી, આઈસ્ક્રીમ સહિત તપાસ માટે મોકલી દીધા. મહિલાને સાક્ષી તરીકે પોલીસે આઈસક્રીમ કંપની વિરુદ્ધ ફરિયાદ નોંધાવી. ત્યારબાદ જાણવા મળ્યું કે માનવ આંગળી ખરેખર પુરુષની જ છે. ત્યારબાદ પોલીસે આઈકસ્રીમ ફેકટરી પૂણે પહોંચી અને ત્યાં જઈ તપાસમાં વાત સામે આવી કે કેટલાક દિવસ પહેલા એક કર્મચારીની આંગળી કામ કરતા કપાઈ ગઈ હતી. પોલીસે ફરી એ શખ્સનું મેડિકલ કરાવ્યું. તેના લોહીનો નમૂનો લેબમાં મોકલાયો. હવે મેડિકલ રિપોર્ટ આવવાની પ્રતીક્ષા છે. ત્યારબાદ આગામી કાર્યવાહી કરવામાં આવશે.