તપાસમાં દોષિત સાબિત થાય તો સજા મળવી જોઈએ: અન્ના હજારે

• દિલ્હી સીએમને સીબીઆઇના સમન્સ પર રાજકારણ ગરમાયું
  
• કોઈ દોષ જોવા મળ્યો હશે એટલે જ પૂછપરછ થતી હશે: અન્ના હજારે
• લિકર સ્કેમને લઈને આમ આદમી પાર્ટી અને ભાજપ આમને સામને

દિલ્હી લિકર સ્કેમની તપાસ કરી રહેલ CBIએ દિલ્હી સીએમ કેજરીવાલને સમન્સ મોકલ્યું છે. દિલ્હી સીએમને 16 એપ્રિલે પૂછપરછ માટે બોલાવ્યા છે. કેજરીવાલને આપવામાં આવેલ સમન્સ પર દિલ્હીની રાજનીતિ ગરમાઈ ગઈ છે ત્યારે હવે અરવિંદ કેજરીવાલના ગુરુ અન્ના હજારેએ મોટું નિવેદન આપ્યું છે. અન્ના હજારેએ નિવેદન આપતા જણાવ્યું છે કે ‘કોઈ દોષ જોવા મળ્યો રહ્યો છે એટલે જ પૂછપરછ થતી હશે. જો ભૂલ દેખાય તો સજા થવી જ જોઈએ.’

અન્ના હજારેએ આગળ કહ્યું હતું કે મે તો પહેલા પણ એક પત્રમાં લખ્યું હતું કે દારૂ અંગે કેમ વિચારો છોમ સારી વાતો નો વિચાર કરો, પૈસા માટે કઈ પણ કરવું યોગ્ય નથી. દારૂથી કોઈનું ભલું થયું હોય તેવું તો આજદિન સુધી બન્યું નથી. એટલે, CBI એ જે જોયું હશે તો જ તપાસ થઈ રહી છે જો કોઈ દોષ જણાય તો સજા મળવી જોઈએ.

તેમણે એમ પણ કહ્યું છે કે જ્યારે તેઓ મારી સાથે હતા ત્યારે એક પણ દિવસ એવો નહિ ગયો હોય જ્યારે મેં તેમને વિચાર અને આચરણ શુદ્ધ રાખવાનું કહ્યું ન હોય, શુદ્ધ માર્ગે જ ચાલવાનું હોય, બુરાઈનો ડાઘ ન પડવો જોઈએ. સિસોદિયા જેવી વ્યક્તિ જેલમાં છે તે વાતથી ખૂબ જ દુઃખી છું. હંમેશા સમાજ અને દેશનું જ ભલું થવું જોઈએ આપનું પોતાનું નહિ.