દિલ્હી-એનસીઆરમાં સતત વરસાદને કારણે વાતાવરણ ઠંડક પ્રસરી રહી છે. ગુરુવારે સવારથી સતત વરસાદ પડી રહ્યો છે. હવામાન વિભાગના જણાવ્યા અનુસાર ગુરુવારે દિવસનું લઘુત્તમ તાપમાન 23 ડિગ્રી સેલ્સિયસ અને મહત્તમ તાપમાન 33 ડિગ્રીની વચ્ચે રહેશે.
ચોમાસુ હવે તેના છેલ્લા તબક્કામાં છે. દેશના અનેક રાજ્યોમાં અવિરત વરસાદ જોવા મળી રહ્યો છે. આવી સ્થિતિમાં દિલ્હી-એનસીઆરમાં બુધવારથી સતત વરસાદ જોવા મળી રહ્યો છે. જેના કારણે દિલ્હી-એનસીઆરનું વાતાવરણ ખુશનુમા છે. જો આપણે ગુરુવારે દિલ્હી-એનસીઆરના હવામાનની વાત કરીએ તો, રાતથી સતત વરસાદ પડી રહ્યો છે અને અટકવાના કોઈ સંકેત દેખાઈ રહ્યા નથી. આકાશમાં કાળાડિબાંગ વાદળો છવાયેલા છે અને વચ્ચે-વચ્ચે વરસાદ પડી રહ્યો છે. આવી સ્થિતિમાં દિવસનું લઘુત્તમ તાપમાન 23 ડિગ્રી સેલ્સિયસ અને મહત્તમ તાપમાન 33 ડિગ્રીની વચ્ચે રહેવાની સંભાવના છે. તમને જણાવી દઈએ કે હવામાન વિભાગે દિલ્હીમાં વરસાદને લઈને યલો એલર્ટ જાહેર કર્યું છે.
ઉત્તર ભારતના પહાડી રાજ્યોમાં યલો એલર્ટ
ચોમાસું તેના અંતિમ તબક્કામાં છે, તેથી ઘણા રાજ્યોમાં ચોમાસું ભારે વરસાદનું કારણ બની રહ્યું છે. આવી સ્થિતિમાં હવામાન વિભાગ દ્વારા પર્વતીય રાજ્યોના ઘણા વિસ્તારોમાં યલો એલર્ટ જારી કરવામાં આવ્યું હતું. ઉત્તરાખંડના હિમાલયના શિખરો પર સતત હિમવર્ષા ચાલુ છે. તે જ સમયે, નીચેના વિસ્તારોમાં સતત વરસાદ જોવા મળી રહ્યો છે. હવામાન વિભાગે કાંગડા, ચંબા, કુલ્લુ અને મંડી જિલ્લામાં 19 સપ્ટેમ્બરે ભારે વરસાદ સાથે વાવાઝોડાની યલો એલર્ટ પણ જારી કરી છે.
યુપી અને બિહારમાં કેવું રહેશે હવામાન?
જો યુપી અને બિહારના હવામાનની વાત કરીએ તો અહીં પણ ઘણા જિલ્લાઓમાં સતત વરસાદ જોવા મળી રહ્યો છે. તેમજ હવે વધુ વરસાદની સંભાવના છે. ઉત્તર પ્રદેશમાં યાગી ચક્રવાતનો પ્રકોપ જોવા મળી રહ્યો છે, જેના કારણે ઘણી જગ્યાએ વરસાદ પડી રહ્યો છે. હવામાન વિભાગે યુપીના 43 જિલ્લામાં વરસાદ અને વાવાઝોડાની આગાહી કરી છે. હવામાન વિભાગના જણાવ્યા અનુસાર આગામી 24 કલાક દરમિયાન બિહારના અનેક જિલ્લાઓમાં વરસાદની સંભાવના છે.
રાજસ્થાન વરસાદને લઇ કેવી છે સ્થિતિ?
રાજસ્થાનના પૂર્વ ભાગમાં આગામી 24 કલાકમાં વરસાદની સંભાવના છે. જયપુરના હવામાન કેન્દ્રના જણાવ્યા અનુસાર, ઓછા દબાણના વિસ્તારના પ્રભાવને કારણે આગામી 24 કલાકમાં રાજસ્થાનના કેટલાક ભાગોમાં વરસાદની સંભાવના છે. પૂર્વ રાજસ્થાનમાં વરસાદી ગતિવિધિઓ 19 સપ્ટેમ્બરથી અલગ-અલગ સ્થળોએ હળવાથી મધ્યમ વરસાદ સાથે ફરી ઓછી થવાની સંભાવના છે. તેમજ આગામી 48 કલાક દરમિયાન પશ્ચિમ રાજસ્થાનના બિકાનેર અને શેખાવતીના કેટલાક વિસ્તારોમાં ગાજવીજ સાથે મધ્યમ વરસાદની શક્યતા છે.
