બિહારમાં JDUએ 16 સીટો પર ઉમેદવારો કર્યા જાહેર, જુઓ લિસ્ટ

• બિહારમાં નીતીશ કુમારે ઉમેદવારોની કરી જાહેરાત
  
• જેડીયુના 16 ઉમેદવારોની જાહેરાત
• બીજેપી સાથે નીતિશ કુમારે કર્યુ છે ગઠબંધન

લોકસભા 2024ની ચૂંટણીને લઇને બિહારમાં એનડીએ અને બીજેપી ગઠબંધને સીટોની વહેંચણી કરી દીધી છે. જેમાં બીજેપીને 17, જેડીયુ ને 16 અને લોક જન શક્તિ પાર્ટીને 5 સીટ ફાળવવામાં આવી છે. ત્યારે હવે જેડીયુએ 16 બેઠકો પર ઉમેદવારોની જાહેરાત કરી દીધી છે.

JDUએ ઉમેદવારોની કરી જાહેરાત

• મુંગેર-લલન સિંહ
• બંકા-ગિરધારી યાદવ
• સુપૌલ-દિલેશ્વર કામત
• મધેપુરા-દિનેશચંદ્ર યાદવ
• જહાનાબાદ- ચંડેશ્વર ચંદ્રવંશી
• શિવહર-સુંદર આનંદ
• સીતામઢી-દેવેશચંદ્ર ઠાકુર
• વાલ્મીકીનગર-સુનીલ મહતો
•  પૂર્ણિયા-સંતોષ કુશવાહા
• કિશનગંજ-માસ્ટર મુજાહિદ આલમ
• કટિહાર-દુલાલચંદ ગોસ્વામી
• ગોપાલગંજ-આલોક સુમન
• ભાગલપુર-અજય મંડળ
• નાલંદા-કૌશલેન્દ્ર કુમાર
• ઝાંઝરપુર-રામપ્રીત મંડળ
• સિવાન- વિજય લક્ષ્મી

2019ની લોકસભા ચૂંટણીમાં NDAને મોટી જીત મળી છે

મહત્વનું છે કે છેલ્લી લોકસભા ચૂંટણી 2019માં NDAને મોટી જીત મળી હતી. છેલ્લી ચૂંટણીમાં, જેડીયુ અને ભાજપે 17-17 બેઠકો પર ચૂંટણી લડી હતી અને એલજેપીએ છ બેઠકો પર ચૂંટણી લડી હતી. જેમાં ભાજપે 17માંથી 17 બેઠકો જીતી હતી અને જેડીયુએ 16 બેઠકો જીતી હતી. આ સાથે જ એલજેપીએ પણ છ સીટો પર જીત મેળવી હતી. કિશનગંજમાં મહાગઠબંધનમાંથી કોંગ્રેસે એકમાત્ર બેઠક જીતી હતી. ત્યારે આ વખતે જેડીયુ 16 બેઠકો પર ચૂંટણી લડી રહી છે. સાથે જ આ વખતે માત્ર એક સીટમાં ફેરફાર કરવામાં આવ્યો છે. સિવાન સીટ પરથી કવિતા દેવીની ટિકિટ રદ્દ કરવામાં આવી છે. આ બેઠક પરથી વિજય લક્ષ્મીને ટિકિટ મળી છે. આ વખતે JDUએ ફરીથી પોતાના 12 વર્તમાન સાંસદોને લોકસભા ચૂંટણી માટે ઉમેદવાર તરીકે નોમિનેટ કર્યા છે.