- સ્વદેશી ફાઇટર પ્લેને ભરી સફળ ઉડાણ
- બેંગ્લુરુમાં કરવામાં આવ્યુ સફળ ટેસ્ટિંગ
- 15 મિનિટ સુધી કરવામાં આવ્યુ ટેસ્ટિંગ
તેજસ એમકે-1એ ફાઇટર જેટની પહેલી ઉડાન 28 માર્ચ 2024ના રોજ બેંગ્લુરુ સ્થિતિ હિંદુસ્તાન એરોનોટિક્સ લિમિટેડ્સની સુવિધામાં સફળતાપૂર્વક પૂર્ણ થઇ છે. આ ઉડાન 18 મિનિટની હતી. કેટલાક સમ પહેલા જ આ વિમાનમાં ડિઝિટલ ફ્લાય બાય વાયર ફ્લાઇટ કંટ્રોલ કમ્પ્યુટરને લગાવ્યુ હતું.
શું છે DFCC ?
DFCC નો અર્થ છે ફાઇટર જેટમાંથી મેન્યુઅલ ફ્લાઇટ કંટ્રોલ દૂર કરીને તેની જહ્યા પર ઇલેક્ટ્રોનિક ઇન્ટરફેસ લગાવવા. એટલે કે બહુ બધી વસ્તુઓ કમ્પ્યુટર કંટ્રોલમાં રહે છે. તે વિમાનને પાયલટ મુજબ સંતુલિત અને નિયંત્રિત રાખે છે.
આ સિસ્ટમથી શું છે ફાયદો ?
આ સિસ્ટમથી રડાર, એલિવેટર, એલિરૉન, ફ્લૈપ્સ અને એન્જિનનું નિયંત્રણ ઇલેક્ટ્રીકલી થાય છે. ફ્લાય બાય વાયર કુલ મળીને ફાઇટર જેટને આત્મ સંતુલન પ્રદાન કરે છે. સ્ટેબલાઇઝ કરે છે. અને વિમાનને વધુ સુરક્ષિત બનાવે છે.
આ સુવિધાઓથી સજ્જ છે તેજસ
એરક્રાફ્ટનું અપગ્રેડેડ વર્ઝન, તેજસ Mk-1A, એડવાન્સ્ડ મિશન કોમ્પ્યુટર, હાઈ પરફોર્મન્સ ક્ષમતા, ડિજિટલ ફ્લાઈટ કંટ્રોલ કોમ્પ્યુટર (DFCC Mk-1A), સ્માર્ટ મલ્ટી-ફંક્શન ડિસ્પ્લે (SMFD), એડવાન્સ ઈલેક્ટ્રોનિકલી સ્કેન કરેલ એરે (AESA) રડાર, એડવાન્સ્ડ છે. સેલ્ફ પ્રોટેક્શન જામર, ઈલેક્ટ્રોનિક વોરફેર સૂટ વગેરે જેવી સુવિધાઓ છે.
તેજસ MK-1થી કેટલુ અલગ ?
આ ફાઈટર જેટ તેજસ MK-1 જેવું જ છે, પરંતુ તેમાં કેટલીક વસ્તુઓ બદલાઈ છે. જેમ કે તે અત્યાધુનિક ઈલેક્ટ્રોનિક વોરફેર સ્યુટ, ઉત્તમ AESA રડાર, સેલ્ફ-પ્રોટેક્શન જામર, રડાર વોર્નિંગ રીસીવરથી સજ્જ છે. આ સિવાય ECM પોડ બહારથી પણ લગાવી શકાય છે.
2200 કિમી/કલાકની ઝડપ, 739 કિમીની લડાઇ રેન્જ
માર્ક-1એ અગાઉના વેરિઅન્ટ કરતાં થોડું હળવું છે. પરંતુ તે કદમાં પણ એટલી જ મોટું છે. એટલે કે 43.4 ફૂટ લંબાઈ. 14.5 ફૂટની ઊંચાઈ. મહત્તમ 2200 કિમી પ્રતિ કલાકની ઝડપે ઉડી શકે છે. કોમ્બેટ રેન્જ 739 કિલોમીટર છે. જો કે, તેની ફેરી રેન્જ 3000 કિલોમીટર છે.
[[$googlead]]
