અસદુદ્દીન ઓવૈસીએ ભારત-ચીન સરહદ વિવાદને લઈને કેન્દ્ર સરકાર પર નિશાન સાધ્યું

• ઓવૈસીએ કહ્યું છે કે સરકાર લદ્દાખમાં અંકુશ ગુમાવી ચૂકી છે
  
• ત્રણ વર્ષ પહેલાની સ્થિતિને પુનઃસ્થાપિત કરવામાં નિષ્ફળ રહી
• ઓવૈસીએ ટ્વિટર પર વિદેશ મંત્રી એસ જયશંકર પર પણ આકરા પ્રહારો કર્યા

AIMIMના વડા અસદુદ્દીન ઓવૈસીએ (Asaduddin Owaisi) ફરી એકવાર ભારત-ચીન સરહદ વિવાદને લઈને કેન્દ્ર સરકાર પર નિશાન સાધ્યું છે. અસદુદ્દીન ઓવૈસીએ કહ્યું છે કે સરકાર લદ્દાખમાં (Ladakh) પ્રદેશ પરનો અંકુશ ગુમાવી ચૂકી છે અને ત્રણ વર્ષ પહેલાની સ્થિતિને પુનઃસ્થાપિત કરવામાં નિષ્ફળ રહી છે. ઓવૈસીએ ટ્વિટર પર વિદેશ મંત્રી એસ જયશંકર (S Jaishankar) પર પણ આકરા પ્રહારો કર્યા હતા.

અસદુદ્દીન ઓવૈસીએ ટ્વિટર પર લખ્યું, "જો સરકાર પાસે ચીન સરહદ સંકટ પર છુપાવવા માટે કંઈ નથી, તો જયશંકર સંસદમાં ચર્ચાથી કેમ ભાગી રહ્યા છે? આ વિષય પરના મારા પ્રશ્નોને કેમ નકારી કાઢવામાં આવી રહ્યા છે?" શા માટે મીડિયાને ત્યાં લઈ જવામાં આવતું નથી?"

બીજા ટ્વીટમાં AIMIM ચીફે પીએમ મોદી પર નિશાન સાધ્યું. તેમણે લખ્યું, "ચીન સરહદ પર વિદેશ મંત્રી દ્વારા જે પ્રકારની અપ્રસ્તુત દલીલો આપવામાં આવી છે તે દર્શાવે છે કે કેવી રીતે મોદી સરકારે 2000 ચોરસ કિલોમીટર વિસ્તાર પર નિયંત્રણ ગુમાવ્યું છે?

'સરકારે લદ્દાખમાં નિયંત્રણ ગુમાવ્યું છે'

ઓવૈસીએ વધુમાં જણાવ્યું હતું કે, "સરકારે લદ્દાખના પ્રદેશ પરનો અંકુશ ગુમાવી દીધો છે અને ત્રણ વર્ષ પહેલાની સ્થિતિને પુનઃસ્થાપિત કરવામાં નિષ્ફળ રહી છે. શું સરકાર પાસેથી ઓછામાં ઓછી આ અપેક્ષા નથી? તેઓ ચીન સાથે ડેપસાંગ અને ડેમચોક પર પણ ચર્ચા કરી રહ્યા છે.

રાહુલ ગાંધીએ ચીનનો મુદ્દો ઉઠાવ્યો હતો

આ પહેલા કોંગ્રેસના પૂર્વ અધ્યક્ષ રાહુલ ગાંધીએ પણ ચીનના મુદ્દે સરકારને ઘેરી હતી. તેમણે કહ્યું કે સરકાર ચીનનું નામ લેતા ડરે છે. આના પર વિદેશ મંત્રી એસ જયશંકરે વળતો જવાબ આપ્યો કે, "જો અમને ડર છે તો LAC પર ભારતીય સેના કોણે મોકલી. રાહુલ ગાંધીએ નહીં, પણ નરેન્દ્ર મોદીએ.