[[$googlead]]
જમ્મુ કાશ્મીરના પહેલગામમાં થયેલા આતંકવાદી હુમલા બાદ ભારત સરકાર એક્શન મોડમાં આવી ગઈ છે અને ગૃહમંત્રી અમિત શાહ અને સંરક્ષણમંત્રી રાજનાથ સિંહે ત્રણેય દળોને તૈયાર રહેવા આદેશ આપ્યો છે. ત્યારે ભારતના નવીનતમ સ્વદેશી યુદ્ધ જહાજ, INS સુરતે આ અઠવાડિયે અરબી સમુદ્રમાં મધ્યમ-અંતરની સપાટીથી હવામાં પ્રહાર કરતી મિસાઈલ (MRSAM) સિસ્ટમનો ઉપયોગ કરીને તેના બીજા દિવસે સફળતાપૂર્વક એક ઝડપી, ઓછી ઉડતી લક્ષ્યને નષ્ટ કરી દીધું હતું.
નૌકાદળની ક્ષમતાઓને એક નવું મુકામ આપ્યું
ભારતીય નૌકાદળે સ્વદેશી યુદ્ધ જહાજોના નિર્માણમાં વધુ એક મોટી સિદ્ધી હાંસલ કરી છે. INS સુરત જે ભારતના નવા સ્વદેશી ગાઈડેડ મિસાઈલનું જહાજ છે. દરિયાઈ સપાટીની નજીક ઉડતા લક્ષ્યો પર ચોકસાઈપૂર્વક હુમલો કરીને નૌકાદળની ક્ષમતાઓને એક નવું મુકામ આપ્યું છે. તમને જણાવી દઈએ કે આ મિશનમાં એક ખાસ તકનીકનો ઉપયોગ કરવામાં આવ્યો છે, જેને 'કોએપરેટિવ એન્ગેજમેન્ટ' કહેવામાં આવે છે. આનો અર્થ એ થયો કે જહાજે તેના સેન્સર અને હથિયાર પ્રણાલીઓનો ઉપયોગ અન્ય પ્લેટફોર્મ સાથે મળીને એકદમ સટીક હુમલો કર્યો. આ સફળતા ભારતની સ્વદેશી ટેકનોલોજી, ડિઝાઈન અને સંરક્ષણ ઉત્પાદનમાં ભારતની આત્મનિર્ભરતાને બતાવે છે.
નૌકાદળે બતાવી પોતાની તાકાત
ઈઝરાયલની સાથે સંયુક્ત રીતે વિકસાવવામાં આવેલી આ મિસાઈલ સિસ્ટમની ઈન્ટરસેપ્શન રેન્જ 70 કિલોમીટર છે અને તે દરિયાઈ સ્કિમિંગના ખતરાઓનો સામનો કરવા માટે ડિઝાઈન કરવામાં આવી છે. પરીક્ષણે લાઈવ પરિચાલન પરિસ્થિતિઓ હેઠળ ઉચ્ચ ચોકસાઈનું પ્રદર્શન કર્યુ. પરીક્ષણ લોન્ચ એક વીડિયો શેર કરતા ભારતીય નૌકાદળે જણાવ્યું કહ્યું કે નવીનતમ સ્વદેશી નિર્મિત ગાઈડેડ મિસાઈલ INS સુરતે સમુદ્ર સપાટી પર લક્ષ્યને સફળતાપૂર્વક નિશાન બનાવ્યું છે, જે આપણી સંરક્ષણ ક્ષમતાઓને મજબૂત બનાવવામાં વધુ એક સીમાચિહ્નરૂપ છે. આ પરીક્ષણ દ્વારા નૌકાદળે પાકિસ્તાનને એક કડક સંદેશ આપ્યો છે. ભારતીય નૌકાદળે પશ્ચિમ હિંદ મહાસાગરમાં આ પરીક્ષણ કર્યું છે.
વડાપ્રધાન મોદીના સંદેશ બાદ એક્શન શરૂ!
આ સ્થાન એ જ સ્થાનની નજીક છે જ્યાં પાકિસ્તાન મિસાઈલ પરીક્ષણ/ફાયરિંગ કરવા જઈ રહ્યું છે. વાસ્તવમાં, પાકિસ્તાન નૌકાદળ અરબી સમુદ્રમાં પ્રેક્ટિસ કરી રહ્યું હતું. આ દરમિયાન, ભારત મિસાઈલ ફાયર કવાયત પણ કરી રહ્યું છે. વડાપ્રધાન નરેન્દ્ર મોદીએ થોડા સમય પહેલા જ બિહારના મધુબનીથી સંદેશ આપ્યો હતો કે ભારત આતંકવાદીઓને શોધવા અને તેમના આશ્રયદાતાઓને કડક સજા આપવા માટે પોતાની તમામ શક્તિનો ઉપયોગ કરશે. આ સંદેશના થોડા કલાકો બાદ જ નૌકાદળે મિસાઈલો છોડી દીધી છે.
