Indian Railway દ્વારા જમ્મુ અને પંજાબમાં ચાલતી ટ્રેનોને લઈને લેવાયો મહત્વનો નિર્ણય

ભારત-પાકિસ્તાન તણાવ વચ્ચે, રેલવેએ એક મોટો નિર્ણય લીધો છે. રેલ્વેના જણાવ્યા અનુસાર, રાત્રે પાકિસ્તાનને અડીને આવેલા જમ્મુ અને પંજાબના સરહદી વિસ્તારોમાંથી ટ્રેનો પસાર થશે નહીં. આ વિસ્તારોના સ્ટેશનો પર ભારે પોલીસ દળ પણ તૈનાત કરવામાં આવશે.

ટ્રેનનું રીશિડ્યૂલ કરાશે

મળતી માહિતી મુજબ, ભારત અને પાકિસ્તાન વચ્ચે ઘણો તણાવ ચાલી રહ્યો છે. આને ધ્યાનમાં રાખીને, ભારતીય રેલ્વેએ જમ્મુ અને પંજાબના સરહદી વિસ્તારોમાં રાત્રે ટ્રેનો ન ચલાવવાનો નિર્ણય લીધો છે. સૂત્રોના જણાવ્યા અનુસાર, રાત્રે અમૃતસર, ભટિંડા, ફિરોઝપુર, જમ્મુ જેવા સ્થળોએથી પસાર થતી ટ્રેનોનું સમયપત્રક હવે ફરીથી ગોઠવવામાં આવશે.

સવારે ટ્રેનો પસાર થશે

રેલ્વેના જણાવ્યા અનુસાર, આ સ્થળોએથી પસાર થતી ટ્રેનોનું સમયપત્રક ફરીથી નક્કી કરવામાં આવશે અને સવારે દોડાવવામાં આવશે. જો આગામી દિવસોમાં તણાવ વધશે તો આ ટ્રેનો અંગે બેઠક બાદ આગળનો નિર્ણય લેવામાં આવશે. એવું કહેવામાં આવી રહ્યું છે કે જે ટ્રેનો રાત્રે સરહદી વિસ્તારોમાં પહોંચતી હતી, તે હવે સવારે ત્યાં પહોંચશે. એવું કહેવામાં આવી રહ્યું છે કે રેલવેના આગામી આદેશ સુધી આ ટ્રેનો બંધ રહેશે. ભારત અને પાકિસ્તાન વચ્ચેનો તણાવ સમાપ્ત થયા પછી આ અંગે નિર્ણય લેવામાં આવશે.

રેલવેના નિર્ણયથી આ ટ્રેનો પ્રભાવિત થશે

ભારતીય રેલ્વેના આ નિર્ણય પછી, સરહદી વિસ્તારમાંથી પસાર થતી લગભગ 15 ટ્રેનો પ્રભાવિત થશે. જોકે, મુસાફરોને લાવવા માટે, રેલ્વેએ દિવસ દરમિયાન ખાસ ટ્રેનો ચલાવવાનો નિર્ણય લીધો છે. દિવસ દરમિયાન દોડતી બધી ટ્રેનો રાબેતા મુજબ દોડશે.