Jammu kashmir: કુલગામના દેવસરમાં એન્કાઉન્ટર, સમગ્ર વિસ્તારમાં સર્ચ ઓપરેશન હાથ ધરાયુ

કુલગામના દક્ષિણમાં કાશ્મીરના દેવસર વિસ્તારમાં એન્કાઉન્ટર શરૂ થયું છે. બાતમીના આધારે ઓપરેશનમાં સંયુક્ત દળોએ અડી ગામને ઘેરી લીધું હતું. ઘર-ઘર સર્ચ ઓપરેશન દરમિયાન આતંકવાદીઓએ ગોળીબાર શરૂ કરી દીધો હતો, જે બાદ બંને તરફથી ગોળીબાર થયો હતો. ગામમાં બે આતંકવાદીઓ છુપાયેલા હોવાની બાતમી મળી છે. સમગ્ર વિસ્તારને ઘેરી લઈને સર્ચ ઓપરેશન ચાલુ છે

સુરક્ષા દળો અને આતંકવાદીઓ વચ્ચે ગોળીબાર ચાલુ છે

સુરક્ષા દળો અને આતંકવાદીઓ વચ્ચે ગોળીબાર ચાલુ છે. માનવામાં આવે છે કે ગામની અંદર હજુ પણ બે આતંકીઓ છુપાયેલા છે. સુરક્ષા દળોએ સમગ્ર વિસ્તારને સીલ કરી દીધો છે અને ઓપરેશનને સફળ બનાવવા માટે મહત્તમ તકેદારી રાખવામાં આવી રહી છે. સ્થાનિક લોકોને ઘટનાસ્થળથી દૂર રહેવા સૂચના આપવામાં આવી છે જેથી કોઈ નુકસાન ન થાય.

આ એન્કાઉન્ટરને કારણે વિસ્તારમાં તણાવનું વાતાવરણ છે 

આ ઓપરેશન સંયુક્ત દળોના ઇન્ટેલિજન્સ ઇનપુટ્સ પર આધારિત છે, જેમાં સેના, પોલીસ અને અન્ય સુરક્ષા એજન્સીઓનો સમાવેશ થાય છે. ઓપરેશન હજુ પણ ચાલુ છે અને વિસ્તારમાં સુરક્ષા દળોની ભારે તૈનાત કરવામાં આવી છે. આ એન્કાઉન્ટરને કારણે વિસ્તારમાં તણાવનું વાતાવરણ છે અને વહીવટીતંત્ર પરિસ્થિતિ પર ચાંપતી નજર રાખી રહ્યું છે.

છુપાયેલા આતંકવાદીઓએ સુરક્ષા દળો પર ગોળીબાર કર્યો

દક્ષિણ કાશ્મીરના કુલગામ જિલ્લાના દેવસર વિસ્તારમાં એક મોટું એન્કાઉન્ટર ઓપરેશન ચાલી રહ્યું છે. અથડામણ ત્યારે શરૂ થઈ જ્યારે સુરક્ષા દળોએ ગુપ્ત માહિતીના આધારે અડીગામ ગામમાં સર્ચ ઓપરેશન શરૂ કર્યું. ઓપરેશનની શરૂઆત દરમિયાન, સંયુક્ત સુરક્ષા દળોએ સમગ્ર વિસ્તારને ઘેરી લીધો હતો, આ દરમિયાન, છુપાયેલા આતંકવાદીઓએ સુરક્ષા દળો પર ગોળીબાર કર્યો, જેના કારણે એન્કાઉન્ટર થયું.

આ પહેલા પણ દક્ષિણ કાશ્મીરના કુલગામના ચિન્નીગામ ગામમાં આતંકવાદીઓ અને સુરક્ષા દળો વચ્ચે એન્કાઉન્ટર થયુ હતુ. આ અથડામણમાં પાંચ આતંકવાદીઓ માર્યા ગયા હતા. આમાં હિઝબુલ મુજાહિદ્દીનના ડિવિઝન કમાન્ડર ફારૂક નલ્લી પણ સામેલ હતો. આ સેનાની મોટી સફળતા ગણાય છે. ત્યારબાદ આજે ફરીથી કુલગામના દેવસરમાં એન્કાઉન્ટર થયુ છે વહેવી સવારથી જ આતંકીઓ અને સેના વચ્ચે ગોળીબાર ચાલુ છે.

જવાનોએ લોકોને સલામત સ્થળે પહોંચાડ્યા હતા

આ પહેલા જ્યારે કુલગાવમાં આ રીતે એન્કાઉન્ટર થયુ ત્યારે સૈનિકોએ આતંકવાદીઓના છુપાયા હોવાની શંકા સાથે વિવિધ ઘરોની તલાશી શરૂ કરી. આતંકવાદીઓ બગીચા પાસેના એક મકાનમાં છુપાયેલા હતા. સૈનિકોને તેમના ઠેકાણા તરફ આવતા જોઈને આતંકવાદીઓએ તેમના પર ગોળીબાર શરૂ કરી દીધો હતો. સૈનિકોએ પોતાને બચાવવા બદલો લીધો. સૈનિકોએ આતંકવાદીઓની ગોળી વચ્ચે આસપાસના ઘણા ઘરોમાંથી લોકોને સલામત સ્થળે ખસેડ્યા હતા.