Jammu Kashmir News: જમ્મુ કાશ્મીરના પૂંછમા આતંકીઓએ કર્યુ ફાયરિંગ

• જમ્મુ કાશ્મીરના પૂંછમાં આતંકી અથડામણ
  
• પેટ્રોલિંગ દરમિયાન આતંકીઓએ કર્યુ ફાયરિંગ
• ગાઢ જંગલ વિસ્તારમાં કરાયુ ફાયરિંગ

જમ્મુ કાશ્મીરના પૂંછ જિલ્લામાં આતંકી અને સુરક્ષા જવાનો વચ્ચે અથડામણ થયુ હોવાનું સામે આવ્યું છે. કહેવામાં આવી રહ્યું છે કે પૂંછ વિસ્તારમાં પેટ્રોલિંગ કરી રહેલી ટીમ પર આતંકીઓએ ફાયરિંગ કર્યુ. ઘટનાની જાણ થતા જ મોટી સંખ્યામાં સૈન્ય દળ મોકલવામાં આવ્યું છે.

બે આતંકી હોવાના મળ્યા હતા ઇનપુટ

કહેવામાં આવી રહ્યું છે કે પુંછ વિસ્તારમાં બે આતંકવાદીઓની હાજરીના અહેવાલ બાદ વિસ્તારમાં વધારાની ફોર્સ મોકલવામાં આવી હતી. જેના પર આતંકીઓએ સુરક્ષા દળની ટીમ પર ગોળીબાર કર્યો હતો.

છઠ્ઠી આતંકી ઘટના

સૂત્રોનું કહેવું છે કે જમ્મુ-કાશ્મીર પોલીસના સ્પેશિયલ ઓપરેશન ગ્રુપ (SOG)ની એક ટીમ પર ગાઢ જંગલ વિસ્તારમાં ફાયરિંગ કરવામાં આવ્યું હતું. જે પછી સુરક્ષા દળોએ આતંકવાદીઓને શોધવા માટે તેમનું ઓપરેશન તેજ કરી દીધું છે. 9 જૂન પછી જમ્મુ ક્ષેત્રમાં આ છઠ્ઠી આતંકી ઘટના છે.