Jharkhand News: હેમંત સોરેનને SCનો ઝટકો,જાણો વચગાળાની જામીનને અંગે ક્યારે થશે સુનાવણી?

• ઝારખંડના પૂર્વ સીએમને સુપ્રિમ કોર્ટનો ઝટકો
  
• કપિલ સિબ્બલની દલીલો બાદ કરી ટિપ્પણી
• બુધવારે કોર્ટમાં થશે સુનાવણી

ઝારખંડના પૂર્વ મુખ્યમંત્રી હેમંત સોરેનને સુપ્રીમ કોર્ટનો ઝટકો લાગ્યો છે. તેમની વચગાળાની અરજી પર આવતીકાલે એટલે કે 22મી મેના રોજ ફરી કોર્ટમાં વિચારણા કરવામાં આવશે. હેમંત વતી કોર્ટમાં હાજર થયેલા વરિષ્ઠ વકીલ કપિલ સિબ્બલે તેમની દલીલમાં કહ્યું કે નીચલી કોર્ટ અને હાઈકોર્ટમાં નિર્ધારિત આધારને સુપ્રીમ કોર્ટમાં કેવી રીતે બદલવામાં આવ્યા.

સુનાવણી પૂર્ણ થઈ નથી

જમીન કૌભાંડના આરોપી હેમંત સોરેનની વચગાળાની જામીન અરજી પર આજે કોર્ટમાં સુનાવણી પૂર્ણ થઈ નથી. આ કારણે બુધવારે પણ કોર્ટમાં સુનાવણી થશે. મહત્વનું છે કે ASG રાજુએ કહ્યું કે સોરેને 15 એપ્રિલ, 2024ના રોજ જામીન અરજી દાખલ કરી હતી. આ આરોપોના આધારે 13 મે, 2024ના રોજ જામીન અરજી ફગાવી દેવામાં આવી હતી. PMLA હેઠળ, માત્ર કબજો પૂરતો છે. કોઈ માલિકીની જરૂર નથી. નોટિસ પાઠવ્યા પછી, સોરેને મૂળ જમીન માલિકોમાંથી એકનો સંપર્ક કર્યો અને પરિસ્થિતિને પલટાવવાનો પ્રયાસ કર્યો. અનેક પ્રકારની છેડછાડ કરવામાં આવી છે. ટ્રાયલ કોર્ટે આ તમામ બાબતો પર વિચાર કર્યો છે.

31 જાન્યુઆરીએ ધરપકડ કરવામાં આવી હતી

EDએ રાંચીના બડગાઈ વિસ્તારમાં સાડા આઠ એકર જમીનની ગેરકાયદેસર ખરીદીના કેસમાં આઠ કલાકની પૂછપરછ બાદ 31 જાન્યુઆરીએ હેમંત સોરેનની ધરપકડ કરી હતી. ત્યારથી તેઓ જેલમાં છે. 30 એપ્રિલે તેમના કાકાના અવસાન પર, હેમંત સોરેને અંતિમ સંસ્કારમાં હાજરી આપવા માટે PMLA કોર્ટનો સંપર્ક કર્યો હતો, પરંતુ કોર્ટે મંજૂરી આપી ન હતી. ત્યારબાદ હાઈકોર્ટમાં તેમણે શ્રાદ્ધમાં હાજરી આપવા માટે કામચલાઉ જામીન માટે વિનંતી કરી હતી, પરંતુ કોર્ટે જામીન આપ્યા નહોતા. પરંતુ જસ્ટિસ રંગન મુખોપાધ્યાયની કોર્ટે આદેશ આપ્યો કે સોરેન થોડા સમય માટે પોલીસ કસ્ટડીમાં તેના કાકાના શ્રાદ્ધમાં હાજરી આપી શકશે. જે બાદ તેઓ કાકા રાજારામ સોરેનના શ્રાદ્ધમાં હાજરી આપવા થોડા કલાકો માટે પોલીસ કસ્ટડીમાં રહીને હાજરી આપી હતી.