પાકિસ્તાન માટે જાસૂસી કરવાના આરોપમાં ધરપકડ કરાયેલી યુટ્યુબર જ્યોતિ મલ્હોત્રાના કેસમાં હવે એક પછી એક નવા ખુલાસાઓ થઈ રહ્યા છે. જ્યોતિ ફક્ત પાકિસ્તાન નહીં પણ ચીનના પણ સંપરક્માં હતી એવો ખૂવલાસો પોલીસ તપાસ દરમિયાન કરવામાં આવ્યો છે, તેની સાથે અન્ય લોકો પણ જોડાયેલા હતા.પાકિસ્તાન માટે જાસૂસી કરવાના આરોપમાં પકડાયેલી જ્યોતિના કિસ્સામાં, હવે ઓડિશા કનેક્શન પણ પ્રકાશમાં આવ્યું છે. કેન્દ્રીય ગુપ્તચર એજન્સી ઇન્ટેલિજન્સ બ્યુરો (IB) અને પુરી પોલીસના સંયુક્ત પ્રયાસોથી, આ કેસની તપાસ હવે પુરી સુધી પહોંચી ગઈ છે. અહીં બીજી યુટ્યુબર પ્રિયંકા સેનાપતિની પૂછપરછ કરવામાં આવી છે.
ઓડિશાના પુરીની કન્ટેન્ટ સર્જક જ્યોતિ મલ્હોત્રા અને પ્રિયંકા સેનાપતિ વચ્ચે શંકાસ્પદ સંબંધો પ્રકાશમાં આવ્યા બાદ ઇન્ટેલિજન્સ બ્યુરો (IB) એ પુરી પોલીસ સાથે મળીને કેસ નોંધ્યો છે. આ દરમિયાન, જગન્નાથ મંદિર અને નજીકના સરકારી મથકો સહિત ઘણા મહત્વપૂર્ણ સ્થળોના ફોટોગ્રાફ્સ અને વીડિયો કેદ કરવામાં આવ્યા હતા. સુરક્ષા એજન્સીઓને શંકા છે કે આ સ્થળોએથી સંવેદનશીલ છબીઓ અને ડેટા વિદેશી કાર્યકરોને મોકલી શકાય છે. આ મામલાની તપાસના સંદર્ભમાં, IB અધિકારીઓએ પુરીની યુટ્યુબર પ્રિયંકા સેનાપતિની પૂછપરછ કરી છે. જ્યોતિની ધરપકડ અને પ્રિયંકાની પૂછપરછ બાદ, ગુપ્તચર એજન્સીઓએ પુરી, ભુવનેશ્વર અને અન્ય પર્યટન સ્થળોએ દેખરેખ વધારી દીધી છે.
