હિલ સ્ટેશન પર ફરવાની અલગ જ મજા આવે છે. પરંતુ પહાડો પર વાતાવરણનું કંઇ નક્કી નહી. આવી સ્થિતિમાં જ્યારે તમે હિલ સ્ટેશન પર જાઓ ત્યારે કેટલીક ચીજ વસ્તુઓ સાથે રાખવી જરૂરી છે. જે તમને મુશ્કેલીના સમયે કામ આવશે.
પ્રાથમિક સારવાર કીટ
ઇજાઓ, કટ અથવા નાના મોટા અકસ્માતો માટે ફર્સ્ટ એડ કીટ હોવી જરૂરી છે. તેમાં પાટો, એન્ટિસેપ્ટિક ક્રીમ, પેઇનકિલર્સ અને નાની ઇજાઓ માટે અન્ય જરૂરી વસ્તુઓ હોવી જોઈએ. મુસાફરી લાંબી હોઈ શકે છે અને પર્વત વિસ્તારમાં દરેક વખતે જરૂરી નથી કે દુકાનો હોય જ. નાસ્તો, પાણીની બોટલ, જ્યુસ અને હળવો ખોરાક જેમ કે બિસ્કિટ અથવા ડ્રાયફ્રુટ્સ સાથે રાખવી જોઇએ.
ઇમરજન્સી ટૂલ્સ અને કિટ્સ
ડુંગરાળ રસ્તાઓ ઘણીવાર ઉબડખાબડ હોય છે જેથી ટાયર પંચર થવાની સંભાવના રહે છે. જો ટાયર બદલવાની જરૂર હોય તો ટૂલ કીટ મદદરૂપ સાબિત થાય છે. રાત્રે અથવા અંધારાવાળી જગ્યાએ ટોર્ચ ઉપયોગી છે, તેથી તેને તમારી સાથે પણ રાખવી જોઈએ. જો બેટરી ડાઉન થઈ જાય તો તમારા વાહનને ચાલુ કરવામાં જ મદદરૂપ થશે.
હવામાન અનુરૂપ કપડા
પર્વતોમાં હવામાન અચાનક બદલાઈ શકે છે. તમારી જાતને ઠંડા હવામાનથી બચાવવા માટે, તમારી સાથે ગરમ કપડાં, ધાબળા અને રેઈનકોટ રાખો. પહાડી વિસ્તારોમાં નેટવર્કની સમસ્યા હોઈ શકે છે. GPS અથવા ઑફલાઇન નકશાનો ટ્રૅક રાખો. કાગળનો નકશો પણ ઉપયોગી થઈ શકે છે.
પાવર બેંક અને મોબાઈલ ચાર્જર
મુસાફરી દરમિયાન મોબાઈલની બેટરી બેકઅપ સમાપ્ત થઈ શકે છે, તેથી પાવર બેંક તમારી સાથે રાખો. જો તમે બરફવાળા વિસ્તારોમાં મુસાફરી કરી રહ્યા હોવ, તો વ્હીલ્સ માટે તમારી સાથે સાંકળ અથવા રેતી રાખો. બરફમાં લપસી જવાની સંભાવના છે પરંતુ આનાથી વાહનને ગ્રિપ મળશે. આ જરૂરી વસ્તુઓને કારમાં રાખીને તમે તમારી મુસાફરીને સુરક્ષિત અને આરામદાયક બનાવી શકો છો. પર્વતીય વિસ્તારોમાં, હવામાન અને રસ્તા બંને અણધાર્યા હોઈ શકે છે,તેથી હંમેશા સંપૂર્ણ તૈયારી સાથે જ બહાર નીકળો.
