Kolkata Doctor Case: જલ્દી ન્યાય નહીં મળે તો ઈમરજન્સી સેવાઓ બંધ કરાશે!

• કોલકાતામાં ટ્રેઈની ડોક્ટર સાથે દુષ્કર્મ અને હત્યાનો મામલો
  
  
• દેશભરમાં ડોક્ટરો દ્વારા વિરોધ પ્રદર્શન ચાલુ
• ઈન્ડિયન મેડિકલ એસોસિએશને ચેતવણી આપી

કોલકાતાની આરજી કાર મેડિકલ કોલેજ અને હોસ્પિટલમાં ટ્રેઈની ડૉક્ટર પર દુષ્કર્મ અને હત્યાના મામલે રવિવારે દેશભરમાં ડોક્ટરો દ્વારા વિરોધ પ્રદર્શન ચાલુ છે. દેશના અલગ-અલગ રાજ્યોમાં દેખાવો ચાલી રહ્યા છે. ડોકટરો તેમના સાથીદાર માટે ઝડપી ન્યાયની માંગ કરી રહ્યા છે.

કડક કાયદા હોવા છતાં ભારતમાં મહિલાઓ અસુરક્ષિત

મહિલા ડોકટરોનું કહેવું છે કે આરજી કાર મેડિકલ કોલેજની ઘટનાએ એ વાતની પુષ્ટિ કરી છે કે 2012માં દિલ્હીમાં ચાલતી બસમાં એક વિદ્યાર્થી (નિર્ભયા) સાથે ગેંગરેપ અને હત્યા બાદ કડક કાયદા હોવા છતાં ભારતમાં મહિલાઓ અસુરક્ષિત છે.

ખાનગી હોસ્પિટલોમાં સેવાઓ ફરી શરૂ થઈ

ઈન્ડિયન મેડિકલ એસોસિએશને પીએમ મોદીને લખેલા પત્રમાં જણાવ્યું હતું કે, તમામ હેલ્થકેર પ્રોફેશનલ્સ કાર્યસ્થળ પર શાંતિપૂર્ણ વાતાવરણ, સલામતી અને સુરક્ષા માટે હકદાર છે. દરમિયાન, પીએમના ગૃહ રાજ્ય ગુજરાતમાં, સરકારી હોસ્પિટલોમાં 6,000 થી વધુ તાલીમાર્થી ડોકટરો રવિવારે ત્રીજા દિવસે પણ ઓપીડી સેવાઓથી દૂર રહ્યા હતા. જોકે, ખાનગી હોસ્પિટલોમાં સેવાઓ ફરી શરૂ થઈ હતી.

ઇમરજન્સી સેવાઓ પણ બંધ કરી શકીએ છીએ

તે જ સમયે, સરકારે ડોકટરોને ડેન્ગ્યુ અને મેલેરિયાના વધતા જતા કેસોની સારવાર માટે કામ પર પાછા ફરવા વિનંતી કરી છે, જ્યારે આરોગ્ય વ્યાવસાયિકોની સલામતી સુધારવા માટે પગલાં સૂચવવા માટે એક સમિતિની રચના કરી છે. બીજી તરફ, ઉત્તર પ્રદેશમાં IMAના વડા ડૉ. મદન મોહન પાલીવાલે જણાવ્યું હતું કે, "ડોક્ટરો તેમની દિનચર્યા પર પાછા ફર્યા છે. જો સરકાર ડૉક્ટરોની સુરક્ષા માટે કોઈ કડક પગલાં નહીં ભરે તો આગળનું પગલું ભરશે. નિર્ણય કર્યો અને આ વખતે અમે ઇમરજન્સી સેવાઓ પણ બંધ કરી શકીએ છીએ."