- ઉત્તરપ્રદેશના મુરાદાબાદમાં CM યોગીએ એક રેલીને સંબોધિત કરી
- માફિયા અને અપરાધ વિરુદ્ધ યોગી સરકારની નીતિઓ સ્પષ્ટ કરી
- 4 કરોડ ગરીબોના ઘર બનાવ્યા અને 2.5 કરોડ લોકોને વીજળી આપી
CM યોગી આદિત્યનાથે શનિવારે ઉત્તરપ્રદેશના મુરાદાબાદમાં એક રેલીને સંબોધિત કરી અને લોકસભા ચૂંટણીના પ્રથમ તબક્કાના મતદાન પહેલાં મુખ્યમંત્રીએ રાજ્યમાં પ્રચારની કમાન સંભાળી હતી. આ દરમિયાન CM યોગીએ માફિયા અને અપરાધ વિરુદ્ધ તેમની સરકારની નીતિને સતત સ્પષ્ટ કરી દીધી હતી.
4 કરોડ ગરીબોના ઘર બનાવ્યા, 2.5 કરોડ લોકોના ઘરોમાં વીજળી આપી
વધુમાં CM યોગીએ કહ્યું કે, 4 કરોડ ગરીબોના ઘર બનાવ્યા છે અને 2.5 કરોડ લોકોના ઘરોમાં વીજળી કનેક્શન આપવામાં આવ્યા છે. આ કામ પહેલાં પણ થઈ શક્યું હોત પરંતુ કોંગ્રેસ, સપા કે બસપાના એજન્ડામાં વિકાસ અને ગરીબ કલ્યાણ અંગે કોઈ વાત જ નથી કરી. અગાઉની સરકારે લોકોની શ્રદ્ધા સાથે રમવાને પોતાનો જન્મસિદ્ધ અધિકાર માની લીધો હતો.
આજે માફિયાઓ કે ગુનેગારો કાં તો જેલમાં છે અથવા તો નરકમાં
આ સિવાય CM યોગીએ કહ્યું કે, માફિયાઓ અને ગુનેગારોને ટાર્ગેટ બનાવીને અગાઉની સરકારોએ રાજ્યની જનતા, દીકરીઓ અને ઉદ્યોગપતિઓની સુરક્ષામાં ચૂક કરી હતી. આજે ભાજપ સરકાર જે કહે છે તે કરે છે. આજે માફિયાઓ કે ગુનેગારો કાં તો જેલમાં છે અથવા તો નરકમાં છે.
26 ડિસેમ્બરે દેશમાં બ્રેવ ચિલ્ડ્રન્સ ડે તરીકે ઉજવવાનું નક્કી કરાયું
અગાઉ પણ CM યોગીએ બૈસાખીના અવસર પર લખનૌના નાકા હિંડોલા ગુરુદ્વારામાં પૂજા અર્ચના કરી હતી અને કહ્યું હતું કે, હું તમને બધાને અભિનંદન આપું છું કે, શીખ ભાઈઓની ઘણા દાયકાઓથી માંગ હતી કે ગુરુ ગોવિંદ સિંહ મહારાજના ચાર સાહિબજાદાઓની સ્મૃતિને વીર બાળ દિવસ તરીકે ઉજવવામાં આવે અને PM મોદીએ નિર્ણય લીધો છે 26મી ડિસેમ્બરને સમગ્ર દેશમાં બ્રેવ ચિલ્ડ્રન્સ ડે તરીકે ઉજવવાનું નક્કી કરવામાં આવ્યું હતું.
