Madhya Pradesh: સિઓનીમાં NH-44 પર ખાડારાજ, દેશના પ્રથમ સાઉન્ડ પ્રૂફ હાઈવેની દુર્દશા!

મધ્યપ્રદેશના સિઓનીમાં રૂ. 960 કરોડના ખર્ચે બનેલ NH-44નો 28 કિલોમીટરનો પટ જર્જરિત થઈ ગયો છે. તેના ઉદઘાટનના ત્રણ વર્ષ બાદ જ અનેક જગ્યાએ ખાડા પડી ગયા છે, હાઈવેના બે ભાગમાં રોડમાં એટલી હદે તિરાડ પડી ગઈ છે કે 50 મીટરના પટને બેરિકેડ કરીને રિપેર કરવામાં આવી રહ્યું છે.

દેશનો પહેલો સાઉન્ડપ્રૂફ હાઈવે

પેંચ ટાઈગર રિઝર્વમાંથી પસાર થતા હાઈવેના 28 કિલોમીટરના પટના નિર્માણ માટે માત્ર 960 કરોડ રૂપિયાનો ખર્ચ કરવામાં આવ્યો છે. આ હાઈવે 2021માં ચર્ચામાં આવ્યો હતો કારણ કે તે દેશનો પહેલો સાઉન્ડપ્રૂફ હાઈવે છે, જેની બંને બાજુએ ખાસ મેટલ શીટ લગાવવામાં આવી છે જેથી વાહનોનો અવાજ જંગલ સુધી ન પહોંચી શકે.

એલિવેટેડ રોડની નીચે અંડરપાસ બનાવવામાં આવ્યા

આ હાઈવે પરથી દરરોજ હજારો વાહનો પસાર થાય છે. પ્રાણીઓની અવરજવર માટે 9 કિમીના એલિવેટેડ રોડની નીચે અંડરપાસ બનાવવામાં આવ્યા છે. હાઈવેના આ ભાગના નિર્માણ દરમિયાન કેન્દ્રીય માર્ગ પરિવહન મંત્રી નીતિન ગડકરીએ બે વખત તેનું નિરીક્ષણ પણ કર્યું હતું, પરંતુ તેમ છતાં હાઈવેની ખરાબ હાલતની તસવીરો ઘણું કહી જાય છે.

હાઈવેની દુર્દશાને જોઈને તંત્રની કામગીરી પર ઉઠયા સવાલ

રસ્તા પર અનેક જગ્યાએ એટલા ખાડા પડી ગયા છે કે મુસાફરોને ઝિગઝેગમાં પસાર થવું પડે છે. હાઈવેના કેટલાક ભાગોમાં રસ્તાની વચ્ચે ખાડા છે કે કેમ કે ખાડા વચ્ચે ક્યાંક રસ્તો છે કે કેમ તે જાણી શકાયું નથી. હાઈવેની આ દુર્દશાને કારણે માત્ર કન્સ્ટ્રક્શન કંપની પર જ નહીં પરંતુ નીતિન ગડકરીના નેતૃત્વમાં કામ કરતી NHAI પર પણ સવાલો ઉભા થઈ રહ્યા છે. ત્યારે એક જગ્યાએ રિપેરિંગની કામગીરી શરૂ કરવામાં આવી છે. હાલમાં એક જ ભાગ પરથી ટ્રાફિક પસાર થઈ રહ્યો છે.